ପଶ୍ଚିମବଙ୍ଗ ବିଧାନସଭା ନିର୍ବାଚନର ଚୂଡ଼ାନ୍ତ ପର୍ଯ୍ୟାୟ ଭୋଟ୍‌ ଗ୍ରହଣ ଆରମ୍ଭ

ପଶ୍ଚିମବଙ୍ଗ ବିଧାନସଭା ନିର୍ବାଚନର ଚୂଡ଼ାନ୍ତ ପର୍ଯ୍ୟାୟ ଭୋଟ୍‌ ଗ୍ରହଣ ଆରମ୍ଭ

ଆଜି ସନ୍ଧ୍ୟା ୭ଟା ପରେ ଘୋଷଣା କରାଯିବ ‘ଏକ୍ଜିଟ୍‌ ପୋଲ୍‌’ ଫଳାଫଳ

କୋଲକାତା: କୋଭିଡ୍‌-୧୯ ସଂକ୍ରମଣ ବିଭୀଷିକା ମଧ୍ୟରେ ଆଜି ସକାଳ ୭ଟାରେ ପଶ୍ଚିମବଙ୍ଗ ବିଧାନସଭା ନିର୍ବାଚନର ୮ମ ତଥା ଚୂଡ଼ାନ୍ତ ପର୍ଯ୍ୟାୟରେ ୩୫ଟି ଆସନ ପାଇଁ ଭୋଟ୍‌ ଗ୍ରହଣ ଆରମ୍ଭ ହୋଇଛି। ତେଣୁ, କୋଭିଡ୍-୧୯ ନିୟମ ଅନୁସରଣ କରି ଭୋଟ୍‌ ଦେବା ନିମନ୍ତେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଭୋଟର୍‌ମାନଙ୍କୁ ଅନୁରୋଧ କରିଛନ୍ତି। ଟୁଇଟ୍‌ କରି ସେ ଲେଖିଛନ୍ତି, ଆଜି ୨୦୨୧ ପଶ୍ଚିମବଙ୍ଗ ବିଧାନସଭା ନିର୍ବାଚନର ଅନ୍ତିମ ପର୍ଯ୍ୟାୟ ନିର୍ବାଚନ ଚାଲିଛି। ଜନସାଧାରଣଙ୍କୁ ଅନୁରୋଧ କୋଭିଡ୍-୧୯ ନିୟମାନୁସାରେ ସେମାନେ ଭୋଟ୍‌ ଦେଇ ଗଣତନ୍ତ୍ରର ଏହି ଉତ୍ସବକୁ ସମୃଦ୍ଧ କରନ୍ତୁ। ପ୍ରାପ୍ତ ସୂଚନା ଅନୁସାରେ, ଭୋଟ୍‌ ଦେବା ନିମନ୍ତେ ଭୋଟର୍‌ମାନେ ଶାନ୍ତିନିକେତନ, ବୋଲପୁର ଆଦି କେନ୍ଦ୍ରମାନଙ୍କରେ ଧାଡ଼ି ବାନ୍ଧି ଅପେକ୍ଷା କରିଛନ୍ତି। ଭୋଟ୍‌ ଗ୍ରହଣ ଆରମ୍ଭ ପୂର୍ବରୁ ବିଭିନ୍ନ ବୁଥ୍‌ରେ ‘ମକ୍ ପୋଲିଙ୍ଗ୍‌’ ମଧ୍ୟ କରାଯାଇଥିଲା। ସେହିଭଳି, ଆଜିର ଏହି ଚୂଡ଼ାନ୍ତ ପର୍ଯ୍ୟାୟ ନିର୍ବାଚନରେ ଉତ୍ତର କୋଲ୍‌କାତାର କାଶୀପୁର-ବେଲଗାଛିଆସ୍ଥିତ ଏକ ମତଦାନ କେନ୍ଦ୍ରରେ ଅଭିନେତା ତଥା ବିଜେପି ନେତା ମିଥୁନ ଚକ୍ରବର୍ତ୍ତୀ ଭୋଟ୍‌ ଦେଇଛନ୍ତି। ଏହି ଅବସରରେ ସେ କହିଛନ୍ତି, ପୂର୍ବରୁ କେବେ ମୁଁ ଏମିତି ଶାନ୍ତିରେ ଭୋଟ୍‌ ଦେଇ ନ ଥି‌ଲି। ସମସ୍ତ ନିରାପତ୍ତା କର୍ମଚାରୀଙ୍କୁ ଅଭିନନ୍ଦନ। ମାଲଦା, ମୁର୍ଶିଦାବାଦ, ବୀରଭୂମ ଏବଂ କୋଲ୍‌କାତା ଅଞ୍ଚଳର ଏହି ଆସନଗୁଡ଼ିକରୁ ପ୍ରତିଦ୍ବନ୍ଦ୍ବିତା କରୁଥିବା ସମୁଦାୟ ୨୮୩ଜଣଙ୍କ ମଧ୍ୟରୁ ୩୫ଜଣ ହେଉଛନ୍ତି ମହିଳା। ଏଥିରେ ମାଲ୍‌ଦାର ୬ଟି, ମୁର୍ଶିଦାବାଦ ଓ ବୀରଭୂମରେ ୧୧ଟି ଲେଖାଏଁ ଓ କୋଲ୍‌କାତାର ୭ଟି ଆସନ ଅନ୍ତର୍ଭୁକ୍ତ। ଏଥିପାଇଁ ୧୧,୮୬୦ଟି ଭୋଟ୍‌ ଗ୍ରହଣ କେନ୍ଦ୍ର ଖୋଲିଛି। ଆଜି ସନ୍ଧ୍ୟା ୭ଟା ପରେ ‘ଏକ୍ଜିଟ୍‌ ପୋଲ୍‌’ ଫଳାଫଳ ଘୋଷଣା କରାଯିବ।

Share Now:

Kalinga News Beuro

Next Post

ଏୟାର୍-ଟୁ-ଏୟାର୍ ମିଜାଇଲ୍ ପାଇଥନ୍-୫ର ସଫଳ ପରୀକ୍ଷଣ

Thu Apr 29 , 2021
ନୂଆଦିଲ୍ଲୀ: ଏୟାର୍-ଟୁ-ଏୟାର୍ ମିଜାଇଲ୍ ପାଇଥନ୍-୫ର ସଫଳ ପରୀକ୍ଷଣ। ପ୍ରଥମ ଥର ପାଇଁ ଏହି ପଞ୍ଚମ ପିଢ଼ି କ୍ଷେପଣାସ୍ତ୍ରର ପରୀକ୍ଷଣ କଲା ଡିଆରଡିଓ। ଭାରତର ସ୍ୱଦେଶୀ ହାଲୁକା ଲଢ଼ୁଆ ବିମାନ ତେଜସରେ ଏହାର ପରୀକ୍ଷଣ କରାଯାଇଛି। ମଙ୍ଗଳବାର ଗୋଆରେ ପାଇଥନ୍ ଫାଇଭ୍ ସହିତ ଡର୍ବି ମିଜାଇଲ୍ ଆଦିର ମଧ୍ୟ ପରୀକ୍ଷଣ ସଫଳ ହୋଇଛି। ପାଇଥନ୍ ମିଜାଇଲ୍ ଯୋଜନା ମୁତାବକ ଟାର୍ଗେଟକୁ ହିଟ୍ କରିବାରେ ଶତ ପ୍ରତିଶତ ସଫଳ ହୋଇଛି। ଏନେଇ ପ୍ରତିରକ୍ଷା […]
ଏୟାର୍-ଟୁ-ଏୟାର୍ ମିଜାଇଲ୍ ପାଇଥନ୍-୫ର ସଫଳ ପରୀକ୍ଷଣ

ଆହୁରି ପଢ଼ନ୍ତୁ

Social media & sharing icons powered by UltimatelySocial