୨୧ ଦିନର ସଂଘର୍ଷ ପରେ ପ୍ରାଣ ହାରିଲେ ସୌମ୍ୟରଞ୍ଜନ

ପ୍ରାଣ ହାରିଲେ ସୌମ୍ୟରଂଜନ

ଆହୁରି ୩ ଅଭିଯୁକ୍ତ ଫେରାର୍

ଭୁବନେଶ୍ବର : ଗତ ୨୬ ସେପ୍ଟେମ୍ବରରେ ଫାୟାର୍‌ ଷ୍ଟେସନ୍‌ ନିକଟରେ ମହାବୀର ଫାଇନାନ୍ସର କିଛି କର୍ମଚାରୀ ଓ ସେମାନଙ୍କ ଭଡ଼ାଟିଆ ଗୁଣ୍ଡା ଭୁଲ୍ ବୁଝାମଣାକୁ କେନ୍ଦ୍ର କରି ସ୍ୱିଗି ବୟ ସୁପ୍ରଭାସ ଓ ବଡ଼ ଭାଇ ସୌମ୍ୟରଂଜନ ମାନ୍ଧାତାଙ୍କୁ ପ୍ରାଣାନ୍ତକ ଆକ୍ରମଣ କରିଥିଲେ। ସେବେଠାରୁ ହସ୍ପିଟାଲରେ ମୃତ୍ୟୁ ସହ ସଂଘର୍ଷ କରୁଥିବା ସୌମ୍ୟରଞ୍ଜନ ଶେଷରେ ହାର୍‌ ମାନି ଯାଇଛନ୍ତି। ଗତକାଲି ସନ୍ଧ୍ୟା ପ୍ରାୟ ସାଢ଼େ ୮ଟା‌‌ରେ ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଅବସ୍ଥା‌ରେ ତାଙ୍କର ମୃତ୍ୟୁ ଘଟିଛି। ଦୀର୍ଘ ୨୧ ଦିନ କାଳ ସେ ଡାକ୍ତରଖାନାରେ ଚିକିତ୍ସା ହେଉଥିଲେ। ଅଭିଯୁକ୍ତମାନେ ଏକ ଧାରୁଆ ଖଣ୍ଡାରେ ତାଙ୍କ ମୁଣ୍ଡକୁ ହାଣିବା ଯୋଗୁଁ ସେ ଗୁରୁତର ହୋଇପଡ଼ିଥିଲେ। ମୁଣ୍ଡରେ ଶକ୍ତ ଆଘାତ ଲାଗିବା ଯୋଗୁଁ ତାଙ୍କ ଖପୁରି ୨ଖଣ୍ଡ ହୋଇଯାଇଥିଲା। ଘଟଣାରେ ସଂପୃକ୍ତ ୬ଜଣଙ୍କ ମଧ୍ୟରୁ ପୁଲିସ ଫାଇନାନ୍ସ କର୍ମଚାରୀଙ୍କ ସମେତ ୩ଜଣ ଭଡ଼ାଟିଆ ଗୁଣ୍ଡାକୁ ଗିରଫ କରିଛି। ମାତ୍ର ଅନ୍ୟ ୩ଜଣ ଅଭିଯୁକ୍ତ ଏବେ ବି ଫେରାର୍ ଥିବା ଜଣାପଡ଼ିଛି।

Share Now:

Kalinga News Beuro

Next Post

କେରଳ ସମେତ ଦିଲ୍ଲୀରେ ପ୍ରବଳ ବର୍ଷା

Sun Oct 17 , 2021
ଉତ୍ତରାଖଣ୍ଡ ଏବଂ ପଶ୍ଚିମାଞ୍ଚଳ ଉତ୍ତର ପ୍ରଦେଶରେ ରେଡ୍‌ ଆଲର୍ଟ ଜାରି ନୂଆଦିଲ୍ଲୀ: ଦେଶର ଦକ୍ଷିଣାଞ୍ଚଳ କେରଳରେ ପ୍ରବଳ ବୃଷ୍ଟିପାତ ଯୋଗୁଁ ଭୂସ୍ଖଳ ଏବଂ ଆକସ୍ମିକ ବନ୍ୟା ଯୋଗୁଁ ବହୁ ଧନ ଜୀବନ ନଷ୍ଟ ହେବା ସହ ଆଜି ଉତ୍ତରାଞ୍ଚଳରେ ମଧ୍ୟ ବର୍ଷା ବିତ୍ପାତ ଦେଖାଦେଇଛି। ଆଜି ଦିଲ୍ଲୀ ସମେତ ଜାତୀୟ ରାଜଧାନୀ ଅଞ୍ଚଳର ବହୁ ଅଞ୍ଚଳରେ ପ୍ରବଳ ବର୍ଷା ହୋଇଛି। ଏହା ବ୍ୟତିରେକେ, ଉତ୍ତରାଖଣ୍ଡ, ପଶ୍ଚିମ ଉତ୍ତରପ୍ରଦେଶ ଏବଂ ପଞ୍ଜାବ […]
କେରଳ ସମେତ ଦିଲ୍ଲୀରେ ବର୍ଷା

ଆହୁରି ପଢ଼ନ୍ତୁ

Social media & sharing icons powered by UltimatelySocial