ରାଜ୍ୟ ଉଠା ଜଳସେଚନ ନିଗମର ଅଧ୍ୟକ୍ଷ ହେଲେ ରଘୁନାଥ ମହାନ୍ତି , ମିଳିଲା କ୍ୟାବିନେଟ୍‌ ପାହ୍ୟା

ଭୁବନେଶ୍ୱର: ବିଜୁ ଜନତା ଦଳ(ବିଜେଡି)ର ବରିଷ୍ଠ ନେତା ତଥା ପୂର୍ବତନ ମନ୍ତ୍ରୀ ରଘୁନାଥ ମହାନ୍ତିଙ୍କୁ ରାଜ୍ୟ ଉଠା ଜଳସେଚନ ନିଗମର ଅଧ୍ୟକ୍ଷ ପଦରେ ଗୁରୁବାର ନିଯୁକ୍ତି ମିଳିଛି। ମୁଖ୍ୟମନ୍ତ୍ରୀ ନବୀନ ପଟ୍ଟାନାୟକ ତାଙ୍କୁ ଏହି ନୂଆ ପଦରେ ନିଯୁକ୍ତି ଦେଇଛନ୍ତି। ଏଥି ସହିତ ତାଙ୍କୁ କ୍ୟାବିନେଟ୍‌ ପାହ୍ୟା ମିଳିଛି। ଗତ ମାର୍ଚ୍ଚରେ ରଘୁନାଥଙ୍କୁ ବିଜେଡିର ଉପ-ସଭାପତି ଦାୟିତ୍ୱ ଦିଆଯାଇଥିଲା। ତାଙ୍କୁ ଢେଙ୍କାନାଳ ଜିଲ୍ଲା ବିଜେଡିର ପର୍ଯ୍ୟବେକ୍ଷକ ଭାବେ ଦାୟିତ୍ୱ ମଧ୍ୟ ଦିଆଯାଇଥିଲା।

ବୋହୂ ବର୍ଷା ସୋନି ଯୌତୁକ ନିର୍ଯ୍ୟାତନା ମାମଲାରେ ଛନ୍ଦି ହୋଇଥିବା ବାଲେଶ୍ୱର ଜିଲ୍ଲାର ଟାଣୁଆ ନେତା ରଘୁନାଥ ମହାନ୍ତିଙ୍କୁ ବିଜେଡି ୨୦୧୩ରେ ମନ୍ତ୍ରୀ ପଦରୁ ବିଦା କରିଥିଲା। ଏହି ଘଟଣାରେ ରଘୁନାଥ ମହାନ୍ତିଙ୍କୁ ଜେଲ୍‌ ମଧ୍ୟ ଯିବାକୁ ପଡ଼ିଥିଲା। ପରେ ୨୦୧୪ ବିଧାନସଭା ନିର୍ବାଚନରେ ଟିକେଟ୍‌ ପାଇବାରୁ ବଞ୍ଚିତ ହୋଇଥିଲେ। ୨୦୧୬ ମାର୍ଚ୍ଚ ୨୫ରେ ବର୍ଷା ସୋନୀ ଓ ରଘୁନାଥଙ୍କ ପରିବାର ମଧ୍ୟରେ ଚାଲିଥିବା ବିବାଦର ଅନ୍ତ ଘଟିଥିଲା। ସେହି ଦିନଠାରୁ ରଘୁନାଥଙ୍କୁ ପୁଅ ରାଜାଶ୍ରୀ ଓ ବୋହୂ ବର୍ଷା ସୋନୀ ଏକାଠି ରହୁଛନ୍ତି।

Share Now:

Kalinga News Beuro

Leave a Reply

Next Post

ବିଜେଡିର ମହାନଦୀ ମହାସଂଗ୍ରାମର ଅଭିଯାନ ଉଦଯାପିତ

Fri May 25 , 2018
ମହାନଦୀ ସୁରକ୍ଷା ଅଭିଯାନ : ରାଜନୈତିକ ନୁହେଁ, ଏହା ଏକ ଜନଆନ୍ଦୋଳନ- ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭୁବନେଶ୍ୱର: ବିଜେଡିର ମହାନଦୀ ମହାସଂଗ୍ରାମର ଅଭିଯାନ ଆଜି ଉଦ୍‌ଯାପିତ ହୋଇଛି। ପାରାଦୀପ ଠାରେ ଆୟୋଜିତ ଏହି ଉଦ୍‌ଯାପନୀ ଉତ୍ସବରେ ଯୋଗ ଦେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି ମହାନଦୀର ଓଡ଼ିଶାରେ ପ୍ରବେଶ ପଥ ଝାରସୁଗୁଡ଼ା ଜିଲ୍ଲାର ଶୁଖାସୋଢ଼ାରୁ ଆରମ୍ଭ ହୋଇ ଏହି ସୁରକ୍ଷା ଅଭିଯାନ ଦୀର୍ଘ ୫ଶହ କିଲୋମିଟର ଅତିକ୍ରମ କରି ପାରାଦୀପରେ […]

ଆହୁରି ପଢ଼ନ୍ତୁ

Social media & sharing icons powered by UltimatelySocial