ନୂଆଦିଲ୍ଲୀ: ବେଳେବେଳେ ଆପଣ କୌଣସି କାରଣରୁ ଷ୍ଟେସନରୁ ଟ୍ରେନରେ ଚଢିପାରିନଥାନ୍ତି। ଆଉ ଅନ୍ୟ ଷ୍ଟେସନରେ ଟ୍ରେନରେ ଚଢିବା ଦ୍ୱାରା ଆପଣଙ୍କୁ ଫାଇନ ଦେବାକୁ ପଡିଥାଏ। ତେବେ ଏବେ ରେଳ ଯାତ୍ରୀମାନଙ୍କ ପାଇଁ ଏକ ଖୁସି ଖବର ଅଛି। ବର୍ତ୍ତମାନ ଆପଣ ମୂଳ ରେଳ ଷ୍ଟେସନ ପରିବର୍ତ୍ତେ ଅନ୍ୟ କୌଣସି ଷ୍ଟେସନରୁ ମଧ୍ୟ ଟ୍ରେନରେ ଚଢିପାରିବେ। ଏଥିପାଇଁ ରେଳବାଇ ଆପଣଙ୍କୁଠାରୁ କୌଣସି ଜରିମାନା ଆଦାୟ କରିବ ନାହିଁ। ସୂଚନା ମୁତାବକ ବୋର୍ଡିଂ ଷ୍ଟେସନକୁ ପରିବର୍ତ୍ତନ କରିବାକୁ, ଆପଣଙ୍କୁ ଟିକେଟରେ ପରିବର୍ତ୍ତନ କରିବାକୁ ପଡିଥାଏ। ନଚେତ୍ ଜଣକୁ ଜରିମାନା ଦେବାକୁ ପଡିଥାଏ। ବେଳେବେଳେ ହଠାତ୍ ବୋର୍ଡିଂ ଷ୍ଟେସନ୍ ପରିବର୍ତ୍ତନ କରିବାର ଆବଶ୍ୟକତା ଥାଏ। ଯାତ୍ରୀମାନଙ୍କ ଏହି ଆବଶ୍ୟକତାକୁ ଧ୍ୟାନରେ ରଖି ଆଇଆରସିଟିସି ଏବେ ବୋର୍ଡିଂ ଷ୍ଟେସନ ବଦଳାଇବା ପାଇଁ ସୁବିଧା ଦେଉଛି।
ଆଇଆରସିଟିସି ଏହି ସୁବିଧା ସେହି ସମସ୍ତ ଯାତ୍ରୀଙ୍କୁ ଦେଉଛି, ଯେଉଁମାନେ ଅନଲାଇନରେ ଟ୍ରେନ୍ ଟିକେଟ ବୁକ୍ କରିଛନ୍ତି | ଯଦି କୌଣସି ଯାତ୍ରୀ ତାଙ୍କ ବୋର୍ଡିଂ ଷ୍ଟେସନକୁ ପରିବର୍ତ୍ତନ କରିବାକୁ ଚାହୁଁଛନ୍ତି, ଟ୍ରେନ ଛାଡିବାର ୨୪ ଘଣ୍ଟା ପୂର୍ବରୁ ଅନଲାଇନରେ ପରିବର୍ତ୍ତନ କରିପାରିବେ। କିନ୍ତୁ ଆଇଆରସିଟିସିର ଅଫିସିଆଲ୍ ୱେବସାଇଟ୍ ଅନୁଯାୟୀ, ଯାତ୍ରୀ ଥରେ ତାଙ୍କ ବୋର୍ଡିଂ ଷ୍ଟେସନ୍ ବଦଳାଇଲେ, ତେବେ ସେ ମୂଳ ବୋର୍ଡିଂ ଷ୍ଟେସନରୁ ଟ୍ରେନ୍ ଧରି ପାରିବେ ନାହିଁ। ମନେରଖନ୍ତୁ ଯେ ଯଦି ଜଣେ ଯାତ୍ରୀ ବୋର୍ଡିଂ ଷ୍ଟେସନ ପରିବର୍ତ୍ତନ ନକରି ଅନ୍ୟ ଷ୍ଟେସନରୁ ଟ୍ରେନ୍ ଧରନ୍ତି, ତେବେ ତାଙ୍କୁ ବୋର୍ଡିଂ ପଏଣ୍ଟ ଏବଂ ସଂଶୋଧିତ ବୋର୍ଡିଂ ପଏଣ୍ଟ ମଧ୍ୟରେ ଭଡା ମଧ୍ୟ ଦେବାକୁ ପଡିବ। ଆଇଆରସିଟିସିର ନିୟମ ଅନୁଯାୟୀ- ବୋର୍ଡିଂ ଷ୍ଟେସନରେ ପରିବର୍ତ୍ତନ କେବଳ ଥରେ କରାଯାଇପାରିବ, ତେଣୁ ଯେତେବେଳେ ବି ଆପଣ ପରିବର୍ତ୍ତନ କରିବେ ସଂପୂର୍ଣ୍ଣ ନିଶ୍ଚିତ ହୋଇ କରନ୍ତୁ।
କିଭଳି ବଦଳାଇବେ ବୋର୍ଡିଙ୍ଗ ଷ୍ଟେସନ
ସର୍ବପ୍ରଥମେ ଆପଣ ଆଇଆରସିଟିସିର ଅଫିସିଆଲ୍ ୱେବସାଇଟ୍ https://www.irctc.co.in/nget/train-search କୁ ଯାଆନ୍ତୁ।
ଲଗଇନ୍ ଏବଂ ପାସୱାର୍ଡ ଦେବା ପରେ ‘ବୁକିଂ ଟିକେଟ୍ ଇତିହାସ’ କୁ ଯାଆନ୍ତୁ।
ଆପଣଙ୍କର ଟ୍ରେନ୍ ଚୟନ କରନ୍ତୁ ଏବଂ ‘ବୋର୍ଡିଂ ପଏଣ୍ଟ ପରିବର୍ତ୍ତନ’ କୁ ଯାଆନ୍ତୁ।
ଏକ ନୂତନ ପୃଷ୍ଠା ଖୋଲିବ, ଡ୍ରପ୍ ଡାଉନ୍ ରେ ସେହି ଟ୍ରେନ୍ ପାଇଁ ନୂତନ ବୋର୍ଡିଂ ଷ୍ଟେସନ୍ ଚୟନ କରନ୍ତୁ।
ନୂତନ ଷ୍ଟେସନ୍ ଚୟନ କରିବା ପରେ, ସିଷ୍ଟମ୍ ନିଶ୍ଚିତକରଣ ବା କନଫର୍ମେଶନ ପାଇଁ ପଚାରିବ। ବର୍ତ୍ତମାନ ଆପଣ ‘ଓକେ’ ଉପରେ କ୍ଲିକ୍ କରନ୍ତୁ।
ବୋର୍ଡିଂ ଷ୍ଟେସନ ବଦଳାଇବା ପାଇଁ ଆପଣଙ୍କ ମୋବାଇଲରେ ଏକ ଏସଏମଏସ ଆସିଯିବ।
ଡାକିଛନ୍ତି।