ଇସ୍ରୋକୁ ସହାୟତା ନିମିତ୍ତ ନୂଆ ଗବେଷଣା କେନ୍ଦ୍ର ସ୍ଥାପନ କରାଯିବ

ଇସ୍ରୋକୁ ସହାୟତା

ନୂଆଦିଲ୍ଲୀ: ଇସ୍ରୋର ଗବେଷଣା କ୍ଷେତ୍ରକୁ ସହାୟତା କରିବା ନିମିତ୍ତ ଦେଶରେ ନୂଆ ନୂଆ ଗବେଷଣା କେନ୍ଦ୍ର ପ୍ରତିଷ୍ଠା କରିବାକୁ କେନ୍ଦ୍ର ସରକାର ଚାହୁଁଛନ୍ତି ବୋଲି କେନ୍ଦ୍ର ଆଣବିକ ଶକ୍ତି ଏବଂ ମହାକାଶ ଗବେଷଣା ରାଷ୍ଟ୍ରମନ୍ତ୍ରୀ ଡ. ଜିତେନ୍ଦ୍ର ସିଂହ ପ୍ରକାଶ କରିଛନ୍ତି। ଏକ ପ୍ରଶ୍ନର ଉତ୍ତରରେ ମନ୍ତ୍ରୀ ଡ. ସିଂହ ଆଜି ଲୋକସଭାରେ ପ୍ରକାଶ କରିଛନ୍ତି ଯେ, ଭାରତୀୟ ମହାକାଶ ଗବେଷଣା ପ୍ରତିଷ୍ଠାନ, ଇସ୍ରୋ ୨୦୨୨ ମସିହାରେ ମହାକାଶ ଗବେଷଣା କ୍ଷେତ୍ରରେ କେତେକ ନୂଆ ପଦକ୍ଷେପ ନେବାକୁ ଯାଉଛି। ସେଗୁଡିକୁ ମଧ୍ୟରେ ରହିଛି – ବ୍ୟବସାୟିକ ଉଦ୍ଦେଶ୍ୟରେ ଗୋଟିଏ ଏବଂ ଭୂପୃଷ୍ଠ ନିରୀକ୍ଷଣ ଉଦ୍ଦେଶ୍ୟରେ ଗୋଟିଏ ପିଏସଏଲଭି ମହାକାଶକୁ ପଠାଯିବା, ଦୁଇଟି କ୍ଷୁଦ୍ର ଉପଗ୍ରହ ଉତକ୍ଷେପଣ ରକେଟ ପ୍ରସ୍ତୁତି, ଗୋଟିଏ ଜିଏସଏଲଭି ଉପଗ୍ରହ ରକେଟ ପସ୍ତୁତି ଏବଂ ବ୍ୟବସାୟିକ ଉଦ୍ଦେଶ୍ୟରେ ଜି-ସାଟ ୨୪ ଉପଗ୍ରହ ଉତକ୍ଷେପଣ ରକେଟ ପ୍ରସ୍ତୁତି। ଅନ୍ୟ ଏକ ଉପଗ୍ରହ ଉତକ୍ଷେପଣ ରକେଟ ଜିଏସଏଲଭି-ଏମକେ ୩ ମଧ୍ୟ ସ୍ୱତନ୍ତ୍ର ଭାବରେ ବ୍ୟବସାୟିକ ଉଦ୍ଦେଶ୍ୟରେ ପ୍ରସ୍ତୁତ କରାଯିବ। ଏଥିପାଇଁ ବର୍ତ୍ତମାନ ରହିଥିବା ମହାକାଶ ଗବେଷଣା ଇନକ୍ୟୁବେସନ କେନ୍ଦ୍ର ଏବଂ ଆଞ୍ଚଳିକ ଏକାଡେମିଆ କେନ୍ଦ୍ରକୁ ବର୍ଷକୁ ସର୍ବାଧିକ ୨ କୋଟି ଲେଖାଏଁ ଟଙ୍କା ପୂର୍ବ ପ୍ରଚଳିତ ନୀତିନିୟମ ଭିତ୍ତିରେ ଦିଆଯିବ।
ଭାରତୀୟ ମହାକାଶ ଗବେଷଣା କ୍ଷେତ୍ରରେ ବୈଦେଶିକ ସଂସ୍ଥାମାନଙ୍କର ସହଯୋଗ ଭିତ୍ତିକ ପ୍ରକଳ୍ପ ପାଇଁ ସରକାର ଆଗ୍ରହୀ ଅଛନ୍ତି ବୋଲି ମନ୍ତ୍ରୀ ଶ୍ରୀ ସିଂହ ପ୍ରକାଶ କରିଛନ୍ତି। ଭାରତୀୟ ମହାକାଶ କାର୍ଯ୍ୟକ୍ରମକୁ ତ୍ୱରାନ୍ୱିତ କରିବା, ଭୂପୃଷ୍ଠ ନିରୀକ୍ଷଣ କାର୍ଯ୍ୟକ୍ରମ, ଭୂପୃଷ୍ଠ ଯୋଗାଯୋଗ ବ୍ୟବସ୍ଥାର ଉନ୍ନତି ଉପରେ ମିଳିତ ଗବେଷଣା ନିମିତ୍ତ ସରକାର ଆଗ୍ରହ ପ୍ରକାଶ କରିଛନ୍ତି। ବର୍ତ୍ତମାନ ଭାରତୀୟ ମହାକାଶ ଗବେଷଣା ସଂଗଠନ ଯୁକ୍ତରାଷ୍ଟ୍ର ଆମେରିକାର ନାସା ସଂଗଠନ ସହିତ ମିଶି “ନାସା-ଇସ୍ରୋ ସିନ୍ଥେଟିକ ଆପାରେଟର ରାଡାର” ନାମରେ ଭୂପୃଷ୍ଠର ବିଜ୍ଞାନ ଭିତ୍ତିକ ଶିକ୍ଷାକ୍ଷେତ୍ରରେ କାର୍ଯ୍ୟ କରୁଛନ୍ତି।

Share Now:

Kalinga News Beuro

Next Post

ପଳାସୁଣିରେ ଇଞ୍ଜିନିୟର ମୃତ୍ୟୁ ଘଟଣା: ଧରାପଡ଼ିଲା ଦୁର୍ଘଟଣା ଘଟାଇଥିବା ଟ୍ରକ୍‌ ଚାଳକ ରଞ୍ଜନ

Wed Apr 6 , 2022
ଭୁବନେଶ୍ୱର: ରାଜଧାନୀ ଉପକଣ୍ଠ ପଳାସୁଣି ଛକରେ ସୋମବାର ସକାଳୁ ଟ୍ରକ୍‌ ଧକ୍କାରେ ଇଞ୍ଜିନିୟରଙ୍କ ମୃତ୍ୟୁ ଘଟଣାରେ ଆଜି ସକାଳୁ ଖୋର୍ଦ୍ଧା ଜିଲ୍ଲା ବେଗୁନିଆରୁ ଗିରଫ ହୋଇଛି ଚାଳକ ସୌଭାଗ୍ୟ ରଞ୍ଜନ ପାତ୍ର। ତାଙ୍କର ଅସାବଧାନ ଓ ବେପରୁଆ ଗାଡ଼ି ଚାଳନା ଯୋଗୁ ଇଂଜିନିୟରଙ୍କ ଗାଡ଼ି ଦୁଇଟି ଟ୍ରକ ମଧ୍ୟରେ ଚାପି ହୋଇ ଯାଇଥିଲା। ଗିରଫଦାରି ପରେ ଟ୍ରକ ଚାଳକ କହିଛନ୍ତି ଯେ, ସାମ୍ନାରେ ଯାଉଥିବା ଡମ୍ପରକୁ ଦେଖିକି ଗାଡ଼ି ଚଳାଉଥିଲି। […]
ପଳାସୁଣିରେ ଇଞ୍ଜିନିୟର ମୃତ୍ୟୁ ଘଟଣା

ଆହୁରି ପଢ଼ନ୍ତୁ

Social media & sharing icons powered by UltimatelySocial