ଚିନି ରପ୍ତାନିକୁ ବି ନିଷିଦ୍ଧ କରିବ ଭାରତ

ଚିନି ରପ୍ତାନିକୁ ବି ନିଷିଦ୍ଧ କରିବ ଭାରତ

ନୂଆଦିଲ୍ଲୀ : ଗହମ ପରେ ଚିନି ରପ୍ତାନିକୁ ନିଷିଦ୍ଧ କରିବାକୁ ବିଚାର କରୁଛନ୍ତି ଭାରତ ସରକାର। ଦେଶରେ ଚିନି ଉପଲବ୍ଧତା ବୃଦ୍ଧି ଓ ଦର ନିୟନ୍ତ୍ରଣ ପାଇଁ ସରକାର ଏହି ପଦକ୍ଷେପ ଲାଗି ଚିନ୍ତା କରୁଥିବା ଜଣାଯାଇଛି। ଗଣମାଧ୍ୟମ ସୁତ୍ରରୁ ମିଳିଥିବା ସୂଚନା ଅନୁସାରେ ସରକାର ଚଳିତ ଚିନି ଋତୁରେ ଦେଶରୁ ମୋଟ ଚିନି ରପ୍ତାନିକୁ ୧୦ ନିୟୁତ ଟନ ମଧ୍ୟରେ ସୀମିତ ରଖିବାକୁ ନିଷ୍ପତ୍ତି ନେଇପାରନ୍ତି। ଚଳିତ ଚିନି ଋତୁରେ ଏପର୍ଯ୍ୟନ୍ତ ଭାରତରୁ ପ୍ରାୟ ସାଢେ ୭ ନିୟୁତ ଟନ ଚିନି ରପ୍ତାନି ହୋଇସାରିଛି। ଭାରତ ବିଶ୍ବର ବୃହତ୍ତମ ଚିନି ଉତ୍ପାଦନକାରୀ ହୋଇଥିବାବେଳେ ବ୍ରାଜିଲ ପରେ ବିଶ୍ବର ୨ୟ ବୃହତ୍ତମ ଚିନି ରପ୍ତାନିକାରୀ। ଏଣୁ ଭାରତ ରପ୍ତାନି କଟକଣା ଲଗାଇଲେ ବିଶ୍ବ ବଜାରରେ ଚିନି ଉପଲବ୍ଧତା ପ୍ରଭାବିତ ହେବ ଓ ଦର ବୃଦ୍ଧି ହେବ। ଗତ ଫେବୃଆରୀ ମାସରେ ରୁଷ ପକ୍ଷରୁ ୟୁକ୍ରେନ ଉପରେ ଆକ୍ରମଣ କରାଯିବା ପରେ ବିଶ୍ବରେ ବିଭିନ୍ନ ଖାଦ୍ୟ ସାମଗ୍ରୀର ଦର ବୃଦ୍ଧି ପାଇଛି। ଏହାକୁ ଦୃଷ୍ଟିରେ ରଖି କେତେକ ଦେଶ ରପ୍ତାନି କଟକଣା ଲଗାଇଛନ୍ତି। ଭାରତ ଗହମ ରପ୍ତାନି ଉପରେ କଟକଣା ଲଗାଇଥିବାବେଳେ ମାଲେସିଆ ପାମ ଅଏଲ ଉପରେ କଟକଣା ଲଗାଇଛି। ସେହିପରି ସର୍ବିଆ ଓ କାଜାଖସ୍ଥାନ ଶସ୍ୟ ରପ୍ତାନି ଉପରେ କଟକଣା ଲଗାଇଛନ୍ତି।

Share Now:

Kalinga News Beuro

Next Post

ଶ୍ରୀଲଙ୍କାରେ ଭୟଙ୍କର ଆର୍ଥିକ ସଙ୍କଟ : ପେଟ୍ରୋଲ ଦର ୪୨୦ ଟଙ୍କା

Tue May 24 , 2022
କ‌ଲମ୍ବୋ : ଭୟଙ୍କର ଆର୍ଥିକ ସଙ୍କଟ ଦେଇ ଗତି କରୁଥିବା ଶ୍ରୀଲଙ୍କାରେ ପେଟ୍ରୋଲର ଘୋର ଅଭାବ ଦେଖାଦେବାରୁ ଏବେ ପେଟ୍ରୋଲ ଦର ଆକାଶଛୁଆଁ ହୋଇଛି। ଆର୍ଥିକ ସଙ୍କଟ ଦେଇ ଗତି କରୁଥିବା ଶ୍ରୀଲଙ୍କାରେ ପେଟ୍ରୋଲ ଦର ୨୪.୩% ଏବଂ ଡିଜେଲ ୩୮.୪% ବୃଦ୍ଧି ପାଇଛି। ବୈଦେଶିକ ମୁଦ୍ରା ସଂରକ୍ଷଣ ଅଭାବରୁ ଶ୍ରୀଲଙ୍କା ଏକ ଗୁରୁତର ଆର୍ଥିକ ସଙ୍କଟ ଦେଇ ଗତି କରୁଛି, ଏହି କାରଣରୁ ଏହି ବୃଦ୍ଧି ଘଟିଛି। ଏପ୍ରିଲ […]
ଶ୍ରୀଲଙ୍କାରେ ୪୨୦
Social media & sharing icons powered by UltimatelySocial