ବେଙ୍ଗାଲୁରୁ : ସିରିଜ ୨-୨ ସ୍ତରରେ ଥିଲା। ରବିବାର ଖେଳାଯାଉଥିବା ୫ମ ଟି-୨୦ ମ୍ୟାଚର ଫଳାଫଳ ସିରିଜ ବିଜେତା ପ୍ରଦାନ କରିଥାନ୍ତି। କିନ୍ତୁ ବର୍ଷା ସବୁ ବିଗାଡ଼ିଦେଲା। ପ୍ରବଳ ଯୋଗୁଁ ବର୍ଷା ଯୋଗୁଁ ମ୍ୟାଚକୁ ବାତିଲ କରିବାକୁ ମ୍ୟାଚ ରେଫରୀ ଘୋଷଣା କରିଛନ୍ତି। ଆଜିର ମ୍ୟାଚରେ ଦକ୍ଷିଣ ଆଫ୍ରିକା ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା। ତେବେ ଟସ ପରେ ବର୍ଷା ଆରମ୍ଭ ହୋଇଯାଇଥିଲା। ପରେ ବର୍ଷା ଛାଡ଼ିବା ପରେ ସଂଧ୍ୟା ୭ଟା ୫୦ରେ ମ୍ୟାଚ ଆରମ୍ଭ ହୋଇଥିଲା। ତେବେ ମ୍ୟାଚକୁ ୧୯ ଓଭର ବିଶିଷ୍ଟ କରାଯାଇଥିଲା। ପ୍ରଥମେ ବ୍ୟାଟିଂ କରି ଭାରତ ୩.୩ ଓଭରେ ୨ ଓ୍ବିକେଟ ହରାଇ ୨୮ ରନ କରିଥିଲା। ଏହି ସମୟରେ ପ୍ରବଳ ବର୍ଷା ଆରମ୍ଭ ହୋଇଯାଇଥିଲା। ବହୁ ସମୟ ଧରି ବର୍ଷା ଲାଗି ରହିବାରୁ ଓ ପଡ଼ିଆରେ ପାଣି ଜମିରହିଥିବାରୁ ମ୍ୟାଚ ରେଫରି ଜଭଗଲ ଶ୍ରୀନାଥ ମ୍ୟାଚକୁ ବାତିଲ ଘୋଷଣା କରିଥିଲେ। ପ୍ରଥମ ୪ଟି ମ୍ୟାଚରେ ଦୁଇଦଳ ୨ଟି ଲେଖାଏଁ ମ୍ୟାଚରେ ବିଜୟ ହାସଲ କରିଥିଲେ ଓ ସିରିଜ ୨-୨ରେ ବରାବର ରହିଥିଲା। ପ୍ରଥମ ଦୁଇଟି ମ୍ୟାଚରେ ଦକ୍ଷିଣ ଆଫ୍ରିକା ଭାରତକୁ ପରାସ୍ତ କରିଥିବାବେଳେ ୩ୟ ଓ ୪ର୍ଥ ମ୍ୟାଚରେ ଭାରତ ଜିତିଥିଲା। କିନ୍ତୁ ବର୍ଷା ଯୋଗୁଁ ସିରିଜ ଅମିମାଂସିତଭାବେ ହିଁ ଶେଷ ହୋଇଗଲା।
ବର୍ଷା ବିଗାଡ଼ିଦେଲା : ୫ମ ଟି-୨୦ ବାତିଲ, ସିରିଜ ୨-୨ରେ ଅମିମାଂସିତ ଭାବେ ଶେଷ
Share Now: