ଲଣ୍ଡନ : ପଳାତକ ବ୍ୟାଙ୍କ ଠକ ନୀରବ ମୋଦୀକୁ ଏକ ବଡ଼ ଝଟକା ଦେଇଛନ୍ତି। ଭାରତକୁ ପ୍ରତ୍ୟାର୍ପଣ ବିରୋଧରେ ନୀରବ ମୋଦୀ ବ୍ରିଟେନର ସୁପ୍ରିମକୋର୍ଟରେ ଅପିଲ କରିପାରିବ ନାହିଁ ବୋଲି ଲଣ୍ଡନ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି। ଏହା ଫଳରେ ନୀରବ ମୋଦୀକୁ ଭାରତ ହାତରେ ପ୍ରତ୍ୟାର୍ପଣ ହେବା ନିଶ୍ଚିତ ହୋଇଯାଇଛି। କାରଣ ନୀରବ ମୋଦୀ ପାଖରେ ଏବେ ଆଉ କୌଣସି ଆଇନଗତ ବିକଳ୍ପ ନାହିଁ। ଭାରତକୁ ପ୍ରତ୍ୟାର୍ପଣ ନିଷ୍ପତ୍ତି ବିରୋଧରେ ନୀରବ ଲଣ୍ଡନ ହାଇକୋର୍ଟରେ ଆବେଦନ କରିଥିଲା। କିନ୍ତୁ ଗତ ନଭେମ୍ବର ମାସରେ ଲଣ୍ଡନ ହାଇକୋର୍ଟ ଏହି ଆବେଦନକୁ ଖାରଜ କରିଦେଇଥିଲେ। ନିରବ ମୋଦୀ କୋର୍ଟରେ ଏକ ଅଦ୍ଭୁତ କାରଣ ଦର୍ଶାଇ ପ୍ରତ୍ୟାର୍ପଣ ନ କରିବାକୁ ନିବେଦନ କରିଥିଲା। ସେ ଦର୍ଶାଇଥିଲା ଯେ ତାହାର ମାନସିକ ଅବସ୍ଥା ଭଲ ନାହିଁ, ଭାରତକୁ ପଠାଇଲେ ତାହାର ମାନସିକ ଅବସ୍ଥା ଆହୁରି ଖରାପ ହେବ ଓ ସେ ଆତ୍ମହତ୍ୟା କରିବାକୁ ବାଧ୍ୟ ହେବ। କିନ୍ତୁ କୋର୍ଟ ତାର ଏହି ବାହାନାକୁ ମାନିନଥିଲେ। ପ୍ରାୟ ୧୩ ହଜାର କୋଟି ଟଙ୍କାର ପିଏନବି ବ୍ୟାଙ୍କ ଠକେଇ ମାମଲାରେ ନିରବ ମୋଦୀଙ୍କୁ ସିବିଆଇ ଓ ଇଡି ଖୋଜୁଛନ୍ତି। ନୀରବ ଗତ ୨୦୧୮ ମସିହାରେ ଭାରତରୁ ପଳାୟନ କରିଥିଲା। ଏହାର ଦୁଇବର୍ଷ ପରେ ୨୦୨୦ରେ ତାକୁ ଲଣ୍ଡନରେ ଗିରଫ କରାଯାଇଥିଲା।
ନୀରବ ମୋଦୀକୁ ଭାରତ ଅଣାଯିବାର ପଥ ପରିଷ୍କାର
Share Now: