ରାଜଧାନୀରେ ଅଟୋ ସେବା ଠପ : ଅପମାନ ପାଇଁ ଅଟୋ ଚାଳକ ସଂଘର ଆନ୍ଦୋଳନ

ରାଜଧାନୀରେ ଅଟୋ ସେବା ଠପ୍

ଭୁବନେଶ୍ୱର: ଆଜି ରାଜଧାନୀରେ କାଁଭାଁ ଅଟୋ ଚାଲୁଥିବାର ଦେଖିବାକୁ ମିଳିଛି। ଏଣେ ସ୍ମାର୍ଟ ସିଟି ଅନଲାଇନ୍ ଅଟୋ ଚାଳକ ସଂଘ ଆନ୍ଦୋଳନକୁ ଓହ୍ଲାଇଛି। ଗତକାଲି ଦିଆଯାଇଥିବା ଅପମାନର ପ୍ରତିଶୋଧ ନେବା ଲାଗି ଆଜି ସେମାନେ ଏହାର ପ୍ରତିବାଦ କରିବା ସହ ବିକ୍ଷୋଭ ପ୍ରଦର୍ଶନ କରିବେ। ଏଥିଲାଗି ଆଜି ରାଜଧାନୀର ଲୋୟର ପିଏମଜି ଛକ ଓ ମାଷ୍ଟରକ୍ୟାଣ୍ଟିନ ଛକ ଠାରେ ବହୁସଂଖ୍ୟକ ଅଟୋଚାଳକ ଏକତ୍ରିତ ହୋଇଧାରଣା ଦେଇଛନ୍ତି। ସଂଘର ସଭାପତି କହିଛନ୍ତି, ଡ୍ରାଇଭର ମହାସଂଘ ପକ୍ଷରୁ କିଛି ଅଟୋ ଚାଳକଙ୍କୁ ବଳପୂର୍ବକ ଅଟକାଯାଇ ‘ମୁଁ ଡ୍ରାଇଭର ଜାତି ପାଇଁ କଳଙ୍କ’ ଲେଖା ଥିବା ପ୍ଲା କାର୍ଡ ଧରାଇ ଫଟୋ ଉଠାଯାଉଥିଲା। ଏହାକୁ ପ୍ରବଳ ବିରୋଧ କରିଛନ୍ତି ଅଟୋଚାଳକ ସଂଘ। ଯେଉଁମାନେ ଏହି କାମରେ ଲିପ୍ତ ସେମାନଙ୍କୁ ଗିରଫ କରାଯାଉ ଏବଂ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ।

ସୂଚନାଯୋଗ୍ୟ, ଗତକାଲିଠାରୁ ଡ୍ରାଇଭର ମହାସଂଘର ଷ୍ଟିୟରିଂ ଛାଡ଼ ଆନ୍ଦୋଳନ ଆରମ୍ଭ ହୋଇଥିବା ବେଳେ ଆଜି ଆନ୍ଦୋଳନକୁ ଓହ୍ଲାଇଛି ଅଟୋ ଚାଳକ ସଂଘ। ଡ୍ରାଇଭର ମହାସଂଘର ସଦସ୍ୟମାନେ ଅଟୋଚାଳକଙ୍କୁ ଯାତ୍ରୀମାନଙ୍କ ସାମ୍ନାରେ ପ୍ଲା କାର୍ଡ ଧରାଇବା ସହ ଫୁଲମାଳ ଦେଇ ଅପମାନିତ କରିଥିଲେ। ଆଉ ଏହାକୁ ବିରୋଧ କରି ୧୬ ତାରିଖରେ ଅଟୋ ଚଳାଚଳ ବନ୍ଦ କରିବାକୁ ସଂଘ ନିଷ୍ପତ୍ତି ନେଇଥିଲା। ଆଜି ପୁଲିସ ଡିଜିଙ୍କୁ ଭେଟିବ ଅନଲାଇନ୍ ଅଟୋ ଚାଳକ ସଂଘ। ମିଳିତ ମହାସଂଘର ଡ୍ରାଇଭରଙ୍କୁ ଏମିତି କହିବାକୁ କିଏ ଅନୁମତି ଦେଲା ବୋଲି ପ୍ରଶ୍ନ କରିଛି ସଂଘ। ତୁରନ୍ତ କାର୍ଯ୍ୟାନୁଷ୍ଠାନ ପାଇଁ ଡିଜିପିଙ୍କ ପାଖେ ଦାବି କରିବେ। ଅଟୋ ସଂଘର ଡାକରାରେ ୧୦ ହଜାରରୁ ଉର୍ଦ୍ଧ୍ବ ଚାଳକ ଲୋୟର ପିଏମଜି ଓ ଜନପଥରେ ଧାରଣା ଦେବେ ବୋଲି ଚେତାବନୀ ଦେଇଥିଲେ।

Share Now:

Kalinga News Beuro

Next Post

ଆନ୍ଦୋଳନ ପ୍ରତ୍ୟାହୃତ କଲା ସ୍ମାର୍ଟ ସିଟି ଅନଲାଇନ୍ ଅଟୋ ଚାଳକ ସଂଘ

Thu Mar 16 , 2023
ଭୁବନେଶ୍ୱର: ସ୍ମାର୍ଟସିଟି ଅନଲାଇନ ଅଟୋ ଚାଳକ ସଂଘ ଆନ୍ଦୋଳନ ପ୍ରତ୍ୟାହାର କରିଥିବା ଜଣାଯାଇଛି। ଡ଼୍ରାଇଭର ଏକତା ମହାମଞ୍ଚ ବିରୋଧରେ ଆନ୍ଦୋଳନକୁ ଓହ୍ଲାଇଥିଲେ। ଡ଼ିଜି ଓ ସିପିଙ୍କ ଭେଟି ଆଲୋଚନା କରିବା ପରେ ଆନ୍ଦୋଳନ ପ୍ରତ୍ୟାହୃତ କରାଗଲା। ଗତକାଲିର ଆନ୍ଦୋଳନରେ ହାତରେ ସ୍ଲେଟ ଧରାଇ ଫଟୋ ଉଠାଇ ଅପମାନିତ କଲାଭଳି ଓ ମୌଳିକ ଅଧିକାର କ୍ଷୁର୍ଣ୍ଣ ହୋଇଥିବା ଅଭିଯୋଗ କରିଥିଲା ସ୍ମାର୍ଟ ସିଟି ଅନ ଲାଇନ ଅଟୋ ଗୃପ।ଆଜି ଡ଼ିଜିଙ୍କ ଠାରୁ […]
ଅଟୋ ଚାଳକ ସଂଘର ଆନ୍ଦୋଳନ ପ୍ରତ୍ୟାହୃତ

ଆହୁରି ପଢ଼ନ୍ତୁ

Social media & sharing icons powered by UltimatelySocial