କିଶୋରନଗର: ୨୦ ଫୁଟ୍ ଗଭୀର ବୋର୍େଓ୍ଵଲ ଖାତକୁ ଗଳିପଡ଼ିଲା ୩ ବର୍ଷର ଶିଶୁକନ୍ୟା। ଦୀର୍ଘ ୭ ଘଣ୍ଟାର ଜୀବନ ମରଣ ସଂଘର୍ଷ ପରେ ବଞ୍ଚିଗଲା ଜୀବନ। ଅନୁଗୁଳ ଜିଲ୍ଲା କିଶୋରନଗର ବ୍ଲକ ହଣ୍ଡପା ଥାନା ଜାମୁନାଳି ପଞ୍ଚାୟତ ଗୋଳାସର ଗାଁରେ ସୋମବାର ପୂର୍ବାହ୍ଣରେ ଘଟିଥିଲା ଏହି ଅଭାବିତ ଘଟଣା। ଅତି ସତର୍କତାର ସହିତ ଖାତ ପାଖରୁ ସୁଡ଼ଙ୍ଗ ଖୋଳି ଶିଶୁକନ୍ୟାଟିକୁ ଉଦ୍ଧାର କରାଯିବା ପରେ ସମସ୍ତେ ଆଶ୍ୱସ୍ତ ହୋଇଥିଲେ। ବୋର୍େଓ୍ଵଲ ଖାତରେ ପଡିଥିବା ଶିଶୁକନ୍ୟା ହେଉଛି ଗୋଳାସର ଗାଁର ସନ୍ତୋଷ ସାହୁଙ୍କ ଝିଅ ରାଧାରାଣୀ ସାହୁ। ଉଠା ଜଳସେଚନ ବିଭାଗ ପକ୍ଷରୁ ସନ୍ତୋଷଙ୍କ ବାଡ଼ି ପଛପଟେ ଗତ କିଛି ଦିନ ତଳେ ଏକ ଗଭୀର ବୋର୍େଓ୍ଵଲ୍ ଖୋଳା ଯାଇଥିଲା। ମାଟି ତଳେ ପଥର ପଡ଼ିବାରୁ ସେଥିରୁ ପାଣି ବାହାରିଲା ନାହିଁ। ବୋର୍େଓ୍ଵଲ୍ ଅଚଳ ହେଲା। କିନ୍ତୁ କାମରେ ଆସୁନଥିବା ବୋର୍େଓ୍ଵଲ୍ର ଏ ଗଭୀର ଗର୍ତ୍ତକୁ ସବୁ ଭୁଲିଗଲେ। ମୁକୁଳା ଛାଡ଼ି ଦିଆଯାଇଥିବା ଏ ଗର୍ତ୍ତ ଶେଷରେ ଆଜି ସନ୍ତୋଷଙ୍କ ପରିବାର ପାଇଁ ଏକ ବିରାଟ ବିପଦକୁ ଡାକି ଆଣିଥିଲା। ପୂର୍ବାହ୍ଣରେ ସନ୍ତୋଷଙ୍କ ସ୍ତ୍ରୀ ବାଡ଼ି ପଛ ପଟକୁ ପାଣି ଆଣିବା ପାଇଁ ଯାଉଥିବା ବେଳେ କୁନିଝିଅ ରାଧା ତାଙ୍କ ପଛରେ ଦୌଡ଼ିବା ସମୟରେ ମୁକଳା ଗାତରେ ଖସି ପଡ଼ିଥିଲା। ଭାଗ୍ୟକୁ ପ୍ରାୟ ୨୦ ଫୁଟ୍ ତଳେ ପଥର ପଡ଼ିବାରୁ ବାଟରେ ରାଧା ଲଟକି ଯାଇଥିଲା।
