ବଲାଙ୍ଗୀର: କେଉଁ ଆବାହମାନ କାଳରୁ ଚାଲି ଆସିଥିବା ଆଦିବାସୀଙ୍କ ବଳି ପ୍ରଥା ଆଜି ବି ଜାରି ରହିଛି। କିଛି ବର୍ଷ ହେଲା ବଳିକୁ ନେଇ ସପକ୍ଷ ଓ ବିପକ୍ଷବାଦୀଙ୍କ ମଧ୍ୟରେ ଟଣା ଓଟରା ବି ହେଇଥିଲା। କିନ୍ତୁ ଏଥର ପଥ ପରିଷ୍କାର। କେହି ଅଟକାଇବାକୁ ନଥିଲା। ଆଇନର ରକ୍ଷକମାନେ ଆଇନ ଅନୁସାରେ ଶୃଙ୍ଖଳା କାମ କରୁଥିଲେ। ପ୍ରଶାସନିକ ଅଧିକାରୀମାନେ ସ୍ଥିତି ଅନୁଧ୍ୟାନ କରୁଥିଲେ। ଆଉ ହଜାର ହଜାର ମାନସିକଧାରୀ କୁକୁଡ଼ା, ଛେଳି, ମେଣ୍ଢା, ପୋଢ ନେଇ ବଳି ଦେବା ପାଇଁ ଭିଡ ଜମାଇଥିଲେ। ମଙ୍ଗଳବାର ସକାଳୁ ରାତି ଯାଏ ବଲାଙ୍ଗୀର ଜିଲ୍ଲା ଦେଓଗାଁ ବ୍ଲକ ଖଇରଗୁଡ଼ାର ଶୁଲିଆ ପୀଠ ବଡଖଳା ଓ ସାନଖଳାରେ ଚାଲିଥିଲା ଶହ ଶହ ପଶୁ ପକ୍ଷୀଙ୍କ ବଳି।
Share Now:
