ଭୁବନେଶ୍ୱର: ଗତ ମଧ୍ୟ ରାତ୍ରୀ ପରେ ବାଣୀବିହାର ଅନ୍ତର୍ଗତ ସତ୍ସଙ୍ଗ ବିହାର ମନ୍ଦିର ସମ୍ମୁଖ ରାସ୍ତାକଡ଼ରେ ରଖାଯାଇଥିବା ଏକ ଟୁରିଷ୍ଟ୍ ବସ୍ ଏବଂ ଏକ କ୍ୟାବିନ୍ରେ ଅସାମାଜିକ କାର୍ଯ୍ୟରେ ଲିପ୍ତ ରହୁଥିବା କୌଣସି ଅଜ୍ଞାତ ଲୋକ ନିଅାଁ ଲଗାଇ ଦେଇଛନ୍ତି। ଖବର ପାଇ କଳ୍ପନା ଅଞ୍ଚଳରୁ ୨ଟା ଦମକଳ ଆସି ନିଅାଁ ଲିଭାଇ ଥିଲା। ଘଟଣାସ୍ଥଳରେ ସହିଦ ନଗର ପୁଲିସ ମଧ୍ୟ ପହଞ୍ଚି ଥିଲା। ନିଅାଁର ପ୍ରଭାବରେ କ୍ୟାବିନ୍ଟି ସମ୍ପୂର୍ଣ୍ଣ ପାଉଁଶ ହୋଇଯାଇଛି। ପୋଡ଼ି ଛାରଖାର ହୋଇ ଯାଇଥିବା OD33F1810 ବସ୍ଟି ସ୍ଥାନୀୟ ବାସିନ୍ଦା ଦେବବ୍ରତ ଦାସଙ୍କର ବୋଲି ଜଣାପଡ଼ିଛି। ବସ୍ଟିକୁ ରାତିରେ ଓମ୍ ଲିଜର୍ ହଲିଡେଜ୍ ପ୍ରାଇଭେଟ୍ ଲିମିଟେଡ୍ ଅଫିସ୍ କଡ଼ରେ ରଖାଯାଇଥିଲା। ପୁଲିସ ଘଟଣାର ଅନୁସନ୍ଧାନ ଚଳାଇଛି।
Share Now:
