ଭୁବନେଶ୍ୱର : ଲକଡାଉନର କଠିନ ପରିସ୍ଥିତିରେ କାହାକୁ ଚାକିରିରୁ ଛଟେଇ ନ କରିବା ପାଇଁ କିମ୍ବା ଘର ମାଲିକ ଭଡ଼ାଟିଆଙ୍କୁ ଘରୁ ବାହାର ନକରିବା ପାଇଁ ବାରମ୍ବାର ଅନୁରୋଧ କରୁଛନ୍ତି ସରକାର। ହେଲେ ସରକାରଙ୍କ ଏହି ଅନୁରୋଧକୁ ବେଖାତିର କରି ମଣିଷ ପଣିଆକୁ କିଭଳି ମାଟିରେ ମିଶାଇ ଦିଆଯାଇଛି, ତାର ଏକ ନିଚ୍ଛକ ଚିତ୍ର ସାମ୍ନାକୁ ଆସିଛି। ହାତ ଧରାଧରି ହୋଇ ଚାଲୁଥିବା ଏହି ଦମ୍ପତି ରାଜଧାନୀ ଭୁବନେଶ୍ୱରରେ ରହୁଥିଲେ। ସ୍ୱାମୀ ବରମୁଣ୍ଡାର ପ୍ରମୋଦ ଜେନାଙ୍କ ଗାଡି ଚଳାଉଥିବା ବେଳେ ପତ୍ନୀଙ୍କ ସହ ତାଙ୍କ ଘରେ ରହୁଥିଲେ। ହେଲେ ପଇସା ମାଗିବାରୁ ମାଲିକ ଘରୁ କାଢି ଦେଇଥିବା ଖଣ୍ଡଗିରି ଥାନାରେ ଅଭିଯୋଗ କରିଛନ୍ତି ଏହି ଦମ୍ପତି। ବଡ କଥା ହେଉଛି, ଡ୍ରାଇଭର ରାଜୁ ପ୍ରଧାନଙ୍କ ପତ୍ନୀ ୬ ମାସର ଗର୍ଭବତୀ ଅଛନ୍ତି। ଘର ଭଡା ପାଇଁ ମାଲିକ ଘରୁ ବାହାର କରି ଦେଉଛନ୍ତି, ହେଲେ ଲକଡାଉନର କଷ୍ଟକର ସମୟରେ ନିଜ ପ୍ରାପ୍ୟ ମାଗିବାରୁ ଡ୍ରାଇଭରଙ୍କୁ ଘରୁ ମାଲିକ ବାହାର କରିଦେଇଛନ୍ତି ବୋଲି ଫେରାଦ ହୋଇଛନ୍ତି ଦମ୍ପତି।
Share Now:
