ଚୀନ୍‌ ସହ ନିର୍ଣ୍ଣାୟକ ଲଢ଼େଇ ପାଇଁ ପ୍ରସ୍ତୁତ ହେଉଛି ଆମେରିକା

ନୂଆଦିଲ୍ଲୀ: ଆମେରିକା ଏବଂ ଚୀନ୍‌ ମଧ୍ୟରେ ବିବାଦ ଦିନକୁ ଦିନ ତୀବ୍ର ହେବାରେ ଲାଗିଛି ଏବଂ ଦକ୍ଷିଣ ଚୀନ୍‌ ସାଗରରେ ଉଭୟ ରାଷ୍ଟ୍ର ମୁହାଁମୁହିଁ ସ୍ଥିତିରେ ଅଛନ୍ତି। ଆମେରିକା ରାଷ୍ଟ୍ରପତି ଡୋନାଲ୍‌ଡ ଟ୍ରମ୍ପ୍‌ ଲଗାତାର ଚୀନ୍‌ ବିରୋଧରେ କଟକଣା ଜାରି କରୁଛନ୍ତି। ୧୬ ଜୁନ୍‌ରୁ ଚୀନ୍‌ରୁ ଆସୁଥିବା ଯାତ୍ରୀ ବିମାନ ଉପରେ କଟକଣା ଲଗାଯିବାକୁ ଘୋଷଣା ହୋଇଥିବାରୁ ଚୀନ୍‌ର ସମସ୍ୟା ବଢ଼ିବା ସୁନିଶ୍ଚିତ ହୋଇଛି। ବିଶ୍ୱବ୍ୟାପୀ କରୋନା ସଂକ୍ରମଣ ପାଇଁ ଚୀନ୍‌କୁ ଆମେରିକା ସିଧାସଳଖ ଦାୟୀ କରିବା ସହ ଘୋର ଆର୍ଥିକ ସଙ୍କଟ ପଛରେ ମଧ୍ୟ ଚୀନ୍‌ ରହିଥିବା କହିଛି।
ଉଭୟ ଦେଶ ମଧ୍ୟରେ ଆରମ୍ଭ ହୋଇଥିବା ବାଣିଜ୍ୟ ଯୁଦ୍ଧ ଏବଂ ହଂକଂ ପ୍ରସଙ୍ଗ ମଧ୍ୟ ଏବେ ଦୁଇଦେଶର ସଂପର୍କକୁ ଅଧିକ ତିକ୍ତ କରିଛି। ଅନ୍ୟପକ୍ଷରେ ଚୀନ୍‌ ମଧ୍ୟ ଆମେରିକା ସହ ମୁକାବିଲା ପାଇଁ ରଣନୀତି କାର୍ଯ୍ୟକାରୀ କରିବା ଆରମ୍ଭ କରିଦେଇଛି। ଏହି ଲଢ଼େଇରେ ଭାରତ ଆମେରିକାର ପକ୍ଷ ନନେବାକୁ ଚୀନ୍‌ ଚେତାବନୀ ଦେଇଛି।

Share Now:

Kalinga News Beuro

Next Post

ପୁଣି ୧୭୩ କରୋନା ପଜିଟିଭ୍ ଚିହ୍ନଟ: ରାଜ୍ୟରେ ମୋଟ୍ ଆକ୍ରାନ୍ତଙ୍କ ସଂଖ୍ୟା ୨୭୮୧ରେ ପହଞ୍ଚିଲା

Sat Jun 6 , 2020
ଭୁବନେଶ୍ୱର: ଆଜି ଗୋଟିଏ ଦିନରେ ୧୭୩ କରୋନା ପଜିଟିଭ୍ ଚିହ୍ନଟ ହେବା ଫଳରେ ଏକ ନୂଆ ରେକର୍ଡ଼ ସୃଷ୍ଟି ହୋଇଛି ରାଜ୍ୟରେ। ଏଯାବତ୍ ଏତେ ସଂଖ୍ୟକ ଆକ୍ରାନ୍ତ ଏକାଥରକରେ ଚିହ୍ନଟ ହୋଇ ନଥିଲେ। ଏହା ଫଳରେ ରାଜ୍ୟରେ ମୋଟ୍ ଆକ୍ରାନ୍ତଙ୍କ ସଂଖ୍ୟା ୨୭୮୧ରେ ପହଞ୍ଚିଛି। ଏନେଇ ରାଜ୍ୟ ସୂଚନା ଓ ଲୋକସଂପର୍କ ବିଭାଗ ପକ୍ଷରୁ ସୂଚନା ଦିଆଯାଇଛି। ଏମାନଙ୍କ ଭିତରୁ ୨୩ଜଣ ସ୍ଥାନୀୟ ସଂକ୍ରମିତ ଥିବା ବେଳେ ଅବଶିଷ୍ଟ ୧୫୦ଜଣ […]
ଅଗଷ୍ଟ ଲାଗି କରୋନା କଟକଣା

ଆହୁରି ପଢ଼ନ୍ତୁ

Social media & sharing icons powered by UltimatelySocial