ତିହିଡି : ଯେଉଁ ହିତାଧିକାରୀଙ୍କ ଆଧାରକାର୍ଡ଼ ନାହିଁ ସେହିମାନଙ୍କୁ ଭତ୍ତା ମିଳିବ ନାହିଁ । ଏଥିସହ ଆଧାରକାର୍ଡ଼ ନଥିଲେ କୋଭିଡ-୧୯ ପାଇଁ ସରକାର ଘୋଷଣା କରିଥିବା ଅତିରିକ୍ତ ୧ହଜାର ଟଙ୍କା ସହାୟତା ମଧ୍ୟ ଦିଆଯିବନାହିଁ ବୋଲି ସରକାର ଏକ ନିର୍ଦ୍ଦେଶନାମା ଜାରି କରିଛନ୍ତି। ରାଜ୍ୟ ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗ ପକ୍ଷରୁ ଚିଠି ନମ୍ବର ୫୧୯୪ /୧୭.୦୭.୨୦୨୦ରେ ଏହି ନିର୍ଦ୍ଦେଶ ଦିଆଯାଇଛି।ଭଦ୍ରକ ଜିଲ୍ଲା ତିହିଡି ବ୍ଲକର ବିଭିନ୍ନ ପଞ୍ଚାୟତରେ ମଧୁବାବୁ ପେନସନ ଯୋଜନାରେ ୧୧୮୬୫ ଏବଂ କେନ୍ଦ୍ରୀୟ ଯୋଜନାରେ ୭୦୩୧ ମୋଟ ୧୮୮୯୬ ହିତାଧିକାରୀଙ୍କୁ ଅଗଷ୍ଟ ମାସରେ ଭତ୍ତା ପ୍ରଦାନ କରାଯିବ। ତତ ସହିତ ସରକାରଙ୍କ ଘୋଷଣା ଅନୁଯାୟୀ ହିତାଧିକାରୀଙ୍କୁ ଅତିରିକ୍ତ ୧ହଜାର ଟଙ୍କା ଲେଖାଏଁ ପ୍ରଦାନ କରାଯିବ।ମାତ୍ର ଯେଉଁ ହିତାଧିକାରୀଙ୍କ ଆଧାରକାର୍ଡ଼ ନାହିଁ ସେମାନେ ସରକାରଙ୍କ ନିୟମ ଅନୁସାରେ ଭତ୍ତା ଓ ଅତିରିକ୍ତ ସହାୟତାରୁ ବଞ୍ଚିତ ହେବା ସୁନିଶ୍ଚିତ। ତେଣୁ ଅଗଷ୍ଟ ମାସ ପୂର୍ବରୁ ହିତାଧିକାରୀମାନେ ନିଜ ନିଜ ପଞ୍ଚାୟତ କାର୍ଯ୍ୟାଳୟ ସହ ସମ୍ପର୍କ ରକ୍ଷାକରି ଆନୁସଙ୍ଗିକ କାର୍ଯ୍ୟ କରିବାସହ ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀଙ୍କୁ ସହଯୋଗ କରିବାକୁ ବ୍ଲକ ପ୍ରଶାସନ ପକ୍ଷରୁ ଅନୁରୋଧ କରାଯାଇଛି।
