ହଟିଲା ଜବରଦଖଲ: କିମ୍ଭୀରା ନାଳ ବ୍ରିଜ୍ ନିର୍ମାଣ ବାଟ ଫିଟିଲା,୧୨ ଦୋକାନ ଉଚ୍ଛେଦ

ପାଣ୍ଡରାରୁ ହଟିଲା ଜବରଦଖଲ

ଭୁବନେଶ୍ବର: ରାଜଧାନୀ ଉପକଣ୍ଠ ପାଣ୍ଡରାରେ ହେବାକୁ ଥିବା କିମ୍ଭୀରା ନାଳ ବ୍ରିଜ୍‌ ନିର୍ମାଣ ପାଇଁ ବାଟ ଫିଟିଛି। ଏହି ବ୍ରିଜ୍‌ ନିର୍ମାଣ ପାଇଁ ବର୍ଷେ ହେଲା ବାଧକ ସାଜିଥିବା ଜବରଦଖଲକୁ ଆଜି ଉଚ୍ଛେଦ କରାଯାଇଛି। ପ୍ରାୟ ୪ ହଜାର ବର୍ଗଫୁଟ ଜମିରେ ଥିବା ୧୨ଟି ଦୋକାନକୁ ଭାଙ୍ଗି ଦିଆଯାଇଛି। କମିସନରେଟ୍‌ ପୁଲିସର ସହଯୋଗରେ ବିଡିଏ ଏହି ଜବରଦଖଲ ଉଚ୍ଛେଦ କରିଛି।
ପାଣ୍ଡରା ମୌଜା ରାସ୍ତା ପାଖ ୩୮୬୧ ନମ୍ବର ପ୍ଲଟରେ ଜବରଦଖଲ ହୋଇଥିଲା। ପ୍ରାୟ ୪ହଜାର ବର୍ଗଫୁଟ ଜମିରେ ଥିବା ଏକ ବଡ଼ ଫର୍ଣ୍ଣିଚର ଦୋକାନ ସମେତ ୧୨ଟି ଦୋକାନ ଏବଂ ଆଡ୍‌ଭର୍ଟାଇଜିଂ ବୋର୍ଡ ହଟେଇ ଦିଆଯାଇଛି। ପ୍ରାୟ ବର୍ଷେ ତଳୁ ଏଥିପାଇଁ ବସନ୍ତ କୁମାର ଭୋଇଙ୍କ ସମେତ ଉକ୍ତ ସ୍ଥାନରେ ଦୋକାନ କରିଥିବା ଦୋକାନୀମାନଙ୍କୁ ନୋଟିସ୍ ଯାଇଥିଲା। କିନ୍ତୁ କୋର୍ଟରୁ ରହିତାଦେଶ ଆଣିଥିବା ଦର୍ଶାଇ ସେମାନେ ଜାଗାରୁ ହଟୁନଥିଲେ। ଆଜି ମଧ୍ୟ ବିଡିଏର ଉଚ୍ଛେଦକାରୀ ସ୍କ୍ବାଡ୍‌କୁ ସେମାନେ କୋର୍ଟର ରହିତାଦେଶ ଥିବା ଆଳରେ ଭୁଆଁ ବୁଲାଇବାକୁ ଉଦ୍ୟମ କରିଥିଲେ। ମାତ୍ର ଉକ୍ତ ରହିତାଦେଶର ନକଲ ପ୍ରଦର୍ଶନ କରି ପାରିନଥିଲେ। ବିଡିଏ କର୍ତ୍ତୃପକ୍ଷ ଉକ୍ତ ରହିତାଦେଶର ନକଲ ଦେଖିବା ପାଇଁ ଅଡ଼ି ବସିବା ପରେ ଜବରଦଖଲକାରୀମାନେ ହରଡ଼ଘଣାରେ ପଡ଼ି ଯାଇଥିଲେ। ତେଣୁ ବିଡିଏ ଆଉ କିଛି ଶୁଣିନଥିଲା ଓ ଦୋକାନ ଭଙ୍ଗା କାମ ଆରମ୍ଭ କରିଥିଲା। ଏ ନେଇ ବିଡିଏର ସହକାରୀ କାର୍ଯ୍ୟନିର୍ବାହୀ ଯନ୍ତ୍ରୀ ସୁବାସ ପଣ୍ଡା କହିଛନ୍ତି ‌ଯେ କିମ୍ଭୀରା ନାଳ ଉପରେ ଏକ ବ୍ରିଜ୍ ନିର୍ମାଣ ହେବ ବୋଲି ଯୋଜନା କରାଯାଇଛି। ତେଣୁ ଏହି ଜବରଦଖଲରେ ଥିବା ଜମିର ଆବଶ୍ୟକତା ରହିଛି। ଏବେ ଖୁବ୍‌ ଶୀଘ୍ର ବ୍ରିଜ୍‌ ନିର୍ମାଣ କାମ ଆରମ୍ଭ ହେବ ବୋଲି ସେ ସୂଚନା ଦେଇଛନ୍ତି।

Share Now:

Kalinga News Beuro

Next Post

କାଶ୍ମୀର ପ୍ରସଙ୍ଗରେ ଚୀନ୍‌ ବ୍ୟତୀତ ସବୁ ଦେଶ ଭାରତ ସପକ୍ଷରେ

Wed Aug 5 , 2020
ନୂଆଦିଲ୍ଲୀ: କାଶ୍ମୀରରୁ ଧାରା ୩୭୦ ଉଚ୍ଛେଦ ପ୍ରସଙ୍ଗର ଆନ୍ତର୍ଜାତିକୀକରଣ ପାଇଁ ପାକିସ୍ତାନ ଚଳାଇଥିବା ଉଦ୍ୟମକୁ ଜାତିସଂଘରେ ଭାରତର ସ୍ଥାୟୀ ପ୍ରତିନିଧି ଟିଏସ ତିରୁମୂର୍ତ୍ତି ପଣ୍ଡ କରିଦେଇଛନ୍ତି। କାଶ୍ମୀର ପ୍ରସଙ୍ଗ ଜାତିସଂଘରେ ଆଗରୁ ଆଲୋଚିତ ହୋଇ ଆସିଛି ବୋଲି ପାକିସ୍ତାନ ଦାବି କରି ଆସୁଥିବା ବେଳେ ୧୯୬୫ ମସିହାରୁ ଅଦ୍ୟାବଧି ତାହା ଜାତିସଂଘରେ ପଡ଼ିନାହିଁ ବୋଲି ଶ୍ରୀ ତିରୁମୂର୍ତ୍ତି କହିଛନ୍ତି। ତେବେ ନିକଟରେ ଏ ସଂକ୍ରାନ୍ତ ହୋଇଥିବା ଏକ ରୁଦ୍ଧଦ୍ବାର ଆଲୋଚନାର […]
ଚୀନ୍‌ ବ୍ୟତୀତ ସବୁ ଦେଶ ଭାରତ ସପକ୍ଷରେ

ଆହୁରି ପଢ଼ନ୍ତୁ

Social media & sharing icons powered by UltimatelySocial