ବ୍ୟାବସାୟିକ ପ୍ରତିଷ୍ଠାନରେ ବାଣିଜ୍ୟକର ବିଭାଗର ଚଢ଼ଉ

ଟିକସ ଫାଙ୍କିବା ଅଭିଯୋଗ

ଟିକସ ଫାଙ୍କୁଥିବାରୁ ସ୍କାନରରେ ବ୍ୟବସାୟୀ ମା’ପୁଅ

ରାଇରଙ୍ଗପୁର : ଟିକସ ଫାଙ୍କିବା ଅଭି‌ଯୋଗରେ ମୟୂରଭଞ୍ଜ ଜିଲ୍ଲା ରରୁଆଁର ମିନତୀ ଦାସ ଅଧିକାରୀ ଓ ତାଙ୍କ ପୁଅ ରିତେଶ ଦାସ ଅଧିକାରୀଙ୍କ ମାଲିକାନାରେ ଥିବା ଏକାଧିକ ବ୍ୟାବସାୟିକ ପ୍ରତିଷ୍ଠାନ ଉପରେ ଆଜି ବାଣିଜ୍ୟକର ବିଭାଗ ଓ ଜିଏସ୍‌ଟି ଟିମ୍‌ ଚଢ଼ଉ କରିଛି। ସୂଚନା ମୁତାବକ, ମିନତୀ ଦାସ ଅଧିକାରୀ ଓ ତାଙ୍କ ପୁଅ ରିତେଶ ଦାସ ଅଧିକାରୀଙ୍କ ମାଲିକାନାରେ ରରୁଆଁରେ ଖଇନି କାରଖାନା, ଇଟା କାରଖାନା, ସିମେଣ୍ଟ, ଛଡ଼ ଓ ଟାଇଲ୍‌ ବ୍ୟବସାୟ ରହିଛି। ସେହିପରି ଶୁକୃଳି ବଜାରରେ ଥିବା ସିଟି ମାର୍ଟ ବ୍ୟାବସାୟିକ ପ୍ରତିଷ୍ଠାନକୁ ମଧ୍ୟ ଏହି ମା’ପୁଅ ଚଳାଉଛନ୍ତି। ତେବେ ବ୍ୟବସାୟ ବାବଦରେ କୋଟି କୋଟି ଟଙ୍କାର ଟିକସ ସରକାରୀ ତହବିଲରେ ପୈଠ କରିବାକୁ ଥିବାବେଳେ ଗତ ତିନିବର୍ଷ ମଧ୍ୟରେ ଏହି ବ୍ୟାବସାୟିକ ସଂସ୍ଥା ମାତ୍ର ୧୪ ଲକ୍ଷ ଟଙ୍କାର ଟିକସ ପୈଠ କରିଛନ୍ତି। ଏ ନେଇ ସନ୍ଦେହ ହେବାରୁ ବାଣିଜ୍ୟକର ବିଭାଗ ଓ ଜିଏସ୍‌ଟି ଟିମ୍‌ ମା’,ପୁଅଙ୍କ ଦ୍ୱାରା ପରିଚାଳିତ ବ୍ୟାବସାୟିକ ସଂସ୍ଥାଗୁଡ଼ିକ ଉପରେ ନଜର ରଖିଥିଲେ। ଆଜି ବାଣିଜ୍ୟକର ବିଭାଗର ଡେପୁଟି କମିଶନର ମନ୍ମଥ ପ୍ରଧାନଙ୍କ ନେତୃତ୍ୱରେ କଟକ, ଯାଜପୁର, ଅନୁଗୁଳ, ବାଲେଶ୍ୱର, ବାରିପଦାର ୫ଟି ଟିମ୍‌ ରରୁଆଁରେ ଥିବା ଖଇନି କାରଖାନା, ଅନ୍ୟ ବ୍ୟାବସାୟିକ ପ୍ରତିଷ୍ଠାନ ଓ ଶୁକୃଳି ସିଟି ମାର୍ଟରେ ଚଢ଼ଉ କରିଥିଲେ। ଚଢ଼ଉ ବେଳେ ଖଇନି କାରଖାନାରୁ ୧.୧୫ କୋଟି ଟଙ୍କାର ଖଇନି ମଧ୍ୟ ଜବତ ହୋଇଥିବା ଜଣାପଡ଼ିଛି। ସେହିପରି ଅନ୍ୟ ବ୍ୟାବସାୟିକ ପ୍ରତିଷ୍ଠାନର କାଗଜପତ୍ର ଯାଞ୍ଚ କରାଯାଉଥିବା ବେଳେ ସେ ବାବଦରେ ସବିଶେଷ ତଥ୍ୟ ମିଳିପାରିନାହିଁ।

Share Now:

Kalinga News Beuro

Next Post

ଲୋକସେବା ଭବନରେ ପାଳନ ହେଉନି ସରକାରୀ ନିୟମ

Fri Aug 14 , 2020
ସରକାର କରିଥିବା ବଦଳି ନୀତିକୁ ନେଇ କର୍ମଚାରୀ ମହଲରେ ଅସନ୍ତୋଷ ଭୁବନେଶ୍ୱର : ସରକାର ନିଜେ ନିୟମ ପ୍ରଣୟନ କରୁଛନ୍ତି, ଅଥଚ ତାର ପାଳନ ହେଉନି। ନିୟମ ପ୍ରଣୟନ କଲାବେଳେ ଯେଉଁ ସ୍ବଚ୍ଛତା, ଦକ୍ଷତା ଓ ସ୍ପଷ୍ଟ ନୀତିର ଆଭିମୁଖ୍ୟ ରଖିଥାନ୍ତି, ପରବର୍ତ୍ତୀ କାଳରେ ତାକୁ ଭୁଲିଯାନ୍ତି। ଓଡ଼ିଶା ସଚିବାଳୟ ସେବା କ୍ୟାଡର କର୍ମଚାରୀଙ୍କ ବଦଳିକୁ ନେଇ ଏପରି ଅସନ୍ତୋଷ ପ୍ରକାଶ ପାଇଛି। ଲୋକସେବା ଭବନରେ କାର୍ଯ୍ୟରତ ଓଏସ୍‌ଏସ୍‌ କ୍ୟାଡର […]
ଲୋକସେବା ଭବନ

ଆହୁରି ପଢ଼ନ୍ତୁ

Social media & sharing icons powered by UltimatelySocial