ଘନଶ୍ୟାମଙ୍କ ବାଡ଼ିରେ ଅଷ୍ଟ୍ରେଲିଆନ୍‌ ଅଙ୍ଗୁର

ପୁରୀରେ ଫଳୁଛି ଅଷ୍ଟ୍ରେଲିଆନ୍‌ ଅଙ୍ଗୁର-2

ପୁରୀ : ଥଣ୍ଡା ଅଞ୍ଚଳରେ ଆମେ ଅଙ୍ଗୁର ଫଳୁଥିବାର ଜାଣିଛୁ। କିନ୍ତୁ ପୁରୀ ଭଳି ଉପକୂଳର ଅଞ୍ଚଳରେ ଅଙ୍ଗୁର ଫଳିବା ପରି ଅସମ୍ଭବକୁ ସମ୍ଭବ କରି ଦେଖାଇଛନ୍ତି ପୁରୀର ଭୂଦାନ ନଗରର ଘନଶ୍ୟାମ ବେହେରା। ନିଜ ବାଡ଼ିରେ ଅଷ୍ଟ୍ରେଲିଆନ୍‌ କିସମ ଅଙ୍ଗୁର ଫଳାଇ କେବଳ ଆକର୍ଷଣର କେନ୍ଦ୍ରବିନ୍ଦୁ ପାଲଟିନାହାଁନ୍ତି, ‌ଅନ୍ୟମାନଙ୍କ ପାଇଁ ପ୍ରେରଣା ପାଲଟିଛନ୍ତି। ଉଦ୍ୟମ ଫଳରେ ଟାଙ୍ଗରା ଭୂଇଁ ବି ସବୁଜିମା ହୋଇପାରିବ, ଏହା ପ୍ରମାଣିତ କରି ଦେଖାଇଛନ୍ତି ଘନଶ୍ୟାମ। ଘନଶ୍ୟାମଙ୍କ ବାଡ଼ିରେ ଫଳିଥିବା ଏହି ଅଙ୍ଗୁରକୁ ଦେଖିବା ପାଇଁ ବି ଦୈନିକ ଭିଡ଼ ଜମୁଛି। ଭୂଦାନନଗର ବେହେରା ସାହିରେ ଘନଶ୍ୟାମଙ୍କ ଘର। ପେଶାରେ ସେ ଜଣେ ମତ୍ସ୍ୟଜୀବୀ।

ଘନଶ୍ୟାମଙ୍କ କହିବା ମୁତାବକ, ପୂର୍ବରୁ ତାଙ୍କ ଘରେ ଜଣେ ବ୍ୟକ୍ତି ଭଡ଼ାରେ ରହୁଥିଲେ। ଘର ଛାଡ଼ି ଯିବା ସମୟରେ ଭଡ଼ାଟିଆ ଜଣକ ତାଙ୍କୁ ଏକ ଅଙ୍ଗୁର ଗଛ ଦେଇଥିଲେ। ସେହି ଅଙ୍ଗୁର ଗଛକୁ ସେ ଅତି ଯତ୍ନର ସହ ବଢ଼ାଇଥିଲେ। ଏବେ ଏଥିରେ ପେନ୍ଥା ପେନ୍ଥା ଅଙ୍ଗୁର ଫଳିଛି। ଏହି ଅଙ୍ଗୁର ଗଛ ପାଇଁ ସେ ଘର ପାଖରେ ଭାଡ଼ି କରିବା ସହ ଏହା ଉପରେ ଜାଲ ବିଛାଇ ଗଛ ମାଡ଼ିବାର ବ୍ୟବସ୍ଥା କରିଛନ୍ତି। ପେନ୍ଥା ପେନ୍ଥା ଏହି ଅଙ୍ଗୁର ଏବେ ଗଛରେ ଝୁଲି ରହିବା ସହ ଶୋଭାବର୍ଦ୍ଧନ କରୁଛି। ପ୍ରଥମ ଥର ପାଇଁ ଗଛରେ ଅଙ୍ଗୁର ଫଳିବା ଖୁସିରେ ଘନଶ୍ୟାମ ଆଖପାଖ ସାହି ପଡ଼ିଶାଙ୍କୁ ଏହାକୁ ବାଂଟୁଛନ୍ତି। ସ୍ବାଦରେ ବି ଏହି ଅଙ୍ଗୁର ବହୁ ମିଠା। କସିରେ ସବୁଜ ରଙ୍ଗର ଏହି ଅଙ୍ଗୁର ପାଚିଲେ ନାଲି, କଳା ରଙ୍ଗ ଦେଖା ଯାଉଥିବା ଘନଶ୍ୟାମ କହିଛନ୍ତି। ପୁରୀରେ କେଉଁଠି ଅଙ୍ଗୁର ଫଳିବା ଆଗରୁ ଦେଖିବାକୁ ମିଳିନି। ପୁରୀ ଭଳି ଗରମ ଓ ବାଲିଆ ମାଟିରେ ଘନଶ୍ୟାମ ଅଙ୍ଗୁର ଫଳାଇବା ଜନସାଧାରଣଙ୍କ ମନରେ ଉତ୍ସାହ ଭରି ଦେଇଛି।

Share Now:

Kalinga News Beuro

Next Post

ବେଆଇନ କାରଖାନା ଉପରେ ଚଢ଼ଉ: ବିପୁଳ ପରିମାଣର ଗୁଆଘିଅ, ଟମାଟୋ-ଚିଲି ସସ୍‌ ସହ ମାଲିକ ଗିରଫ

Tue Sep 15 , 2020
କଟକ: ଚୌଦ୍ବାର ସହର ମଧ୍ୟରେ ଦୀର୍ଘବର୍ଷ ଧରି ଚାଲୁଥିବା ନକଲି କାରଖାନା ଉପରେ ଚଢ଼ଉ କରି ପୁଲିସ ବିପୁଳ ପରିମାଣର ଗୁଆଘିଅ, ଟମାଟୋ ଓ ଚିଲି ସସ୍‌ ଜବତ କରିଛି। ଏହାସହ ଏହାର ମୁଖ୍ୟ କାର୍ପଟଦାର ଦିବ୍ୟଲୋଚନ ବେହେରା(୪୩)କୁ ଗିରଫ କରିଛି। ତେବେ ଏହ‌ି କାରବାରରେ ସଂପୃକ୍ତ ଅନ୍ୟ ଦୁର୍ବୃତ୍ତମାନଙ୍କୁ ପୁଲିସ ଧରି ପାରିନାହିଁ। ମିଳିଥିବା ସୂଚନା ମୁତାବକ, ଚୌଦ୍ବାର ପୌରପାଳିକା ୯ନଂ ୱାର୍ଡ ଅନ୍ତର୍ଗତ ପୌର କାର୍ଯ୍ୟାଳୟ ଓ […]
ବେଆଇନ କାରଖାନା ଉପରେ ଚଢ଼ଉ

ଆହୁରି ପଢ଼ନ୍ତୁ

Social media & sharing icons powered by UltimatelySocial