ଚାଟ୍ ଓ ଭିଡିଓ କଲ୍ ସହ ଆଜିଠାରୁ ହ୍ବାଟସଆପରେ ପଠାଇପାରିବେ ଟଙ୍କା

ଆଜିଠାରୁ ହ୍ବାଟସଆପରେ ପଠାଇପାରିବେ ଟଙ୍କା

ନୂଆଦିଲ୍ଲୀ: ଭାରତ ସମେତ ଅନେକ ଦେଶରେ ହ୍ବାଟସଆପ ଆପ୍ ର ଲୋକପ୍ରିୟତା ରହିଛି। ଏହାର ଫିଚର ଅନ୍ୟ ଆପଠାରୁ ଟିକେ ଅଲଗା ରହିଥିବା ବେଳେ ଲୋକେ ଏହି ଆପ ଜରିଆରେ ଚାଟ୍ କରିବା ସହ ଭିଡିଓ କଲ ମଧ୍ୟ କରିଥାନ୍ତି। କିନ୍ତୁ ଆଜିଠାରୁ ଆପଣ ଚାଟ୍ ଓ ଭିଡିଓ କଲ ସହ ହ୍ବାଟସଆପରେ ଟଙ୍କା ପଠାଇପାରିବେ। ଏ ନେଇ ନ୍ୟାସନାଲ ପେମେଣ୍ଟ କର୍ପୋରେସନ୍ ଅଫ୍ ଇଣ୍ଡିଆ (ଏନପିସିଆଇ) ଗୁରୁବାର ହ୍ବାଟସଆପକୁ ଅନୁମତି ଦେଇଛି। ଭାରତର ଦଶଟି ଆଞ୍ଚଳିକ ଭାଷାରେ ହ୍ବାଟସଆପ ଆପ୍ ପେମେଣ୍ଟ ଉପଲବ୍ଧ ହେବ। ଯଦି ଆପଣଙ୍କର ହ୍ବାଟସଆପ ଆପ୍ ପୂର୍ବରୁ ଏକ ପେମେଣ୍ଟ ବିକଳ୍ପ ଅଛି, ତେବେ ଆପଣ ଏହାକୁ ବ୍ୟବହାର କରିପାରିବେ। ଯଦି ନୁହେଁ, ତେବେ ଆପଣ ହ୍ବାଟସଆପ ଆପ୍ ଅପଡେଟ୍ କରି ପେମେଣ୍ଟ ବିକଳ୍ପ ପାଇ ପାରିବେ। ହ୍ବାଟସଆପ ଆପ୍ ପେମେଣ୍ଟ ବ୍ୟବହାର କରିବା ପାଇଁ ଗ୍ରାହକଙ୍କ ପାଖରେ ଏକ ଡେବିଟ୍ କାର୍ଡ ରହିବା ଆବଶ୍ୟକ, ଯାହାକି ୟୁପିଆଇକୁ ସମର୍ଥନ କରେ। ଆପଣ ହ୍ବାଟସଆପ ଆପ୍ ପେମେଣ୍ଟ ବିକଳ୍ପକୁ ଯାଇ ବ୍ୟାଙ୍କ ଚୟନ କରି ସବିଶେଷ ତଥ୍ୟ ପ୍ରବେଶ କରି ଏହାକୁ ସକ୍ରିୟ କରିପାରିବେ। ପେମେଣ୍ଟ ସେବା ପାଇଁ ହ୍ବାଟସଆପ ଆପ୍ ପାଞ୍ଚଟି ବଡ ବ୍ୟାଙ୍କ ସହିତ ସହଭାଗିତା କରିଛି। ଏଥିମଧ୍ୟରେ ଆଇସିଆଇସିଆଇ ବ୍ୟାଙ୍କ, ଏଚଡିଏଫସି ବ୍ୟାଙ୍କ, ଆକ୍ସିସ ବ୍ୟାଙ୍କ, ଏସବିଆଇ ଏବଂ ଜିଓ ପେମେଣ୍ଟ ବ୍ୟାଙ୍କ ଅନ୍ତର୍ଭୁକ୍ତ। ହ୍ବାଟସଆପ ଆପ୍ ପେମେଣ୍ଟ ଜରିଆରେ ହ୍ବାଟସଆପ ଆପ୍ ପେମେଣ୍ଟ ବ୍ୟବହାର କରୁନଥିବା ବ୍ୟବହାରକାରୀକୁ ମଧ୍ୟ ଟଙ୍କା ପଠାଇ ହେବ। ଏହି ସୁବିଧା ନିଜ ବ୍ୟବହାରକାରୀଙ୍କୁ ଯୋଗାଇ ଦେବା ପାଇଁ ହ୍ବାଟସଆପ ପ୍ରାୟ ୩ବର୍ଷ ଅପେକ୍ଷା କରିଥିଲା ​​ଏବଂ ଆଜିଠାରୁ କମ୍ପାନି ଏହାକୁ ଭାରତରେ ଆରମ୍ଭ କରିଦେଇଛି। ଫେସବୁକ୍ ଇଣ୍ଡିଆ ହେଡ୍ ଅଜିତ ମୋହନ କହିଛନ୍ତି, ‘ଭାରତରେ ହ୍ବାଟସଆପ ଆପ୍ ରେ ପେମେଣ୍ଟ ଲାଇଭ୍ କରାଯାଇଛି ଏବଂ ଆଜିଠାରୁ ଲୋକମାନେ ହ୍ବାଟସଆପ ଆପ୍ ମାଧ୍ୟମରେ ଟଙ୍କା ପଠାଇ ପାରିବେ। ହ୍ବାଟସଆପ ଆପ୍ ନିଜ ବିବୃତିରେ କହିଛି, ‘ଆଜିଠାରୁ ଦେଶର ହ୍ବାଟସଆପ ଆପ୍ ବ୍ୟବହାରକାରୀମାନେ ଏହି ଆପ୍ ଦ୍ବାରା ପେମେଣ୍ଟ କରିପାରିବେ। ହ୍ବାଟସଆପ ଆପ୍ ର ଏହି ଟଙ୍କା ପଠାଇବା ସୁବିଧା ମେସେଜ ପଠାଇବା ଭଳି ସହଜ ହେବ।

Share Now:

Kalinga News Beuro

Next Post

ନଭେମ୍ବର ମାସରେ ଖୋଲିବ ନାହିଁ ସ୍କୁଲ୍ : ଗଣଶିକ୍ଷା ମନ୍ତ୍ରୀ

Fri Nov 6 , 2020
ଭୁବନେଶ୍ୱର : ଚଳିତ ମାସରେ ସ୍କୁଲ୍ ଖୋଲିବା ନେଇ ଯେଉଁ ନିଷ୍ପତ୍ତି ନିଆଯାଇଥିଲା, ତାକୁ ରାଜ୍ୟ ସରକାର ସାମୟିକ ଭାବେ ସ୍ଥଗିତ ରଖିଛନ୍ତି। ଏଣୁ ନଭେମ୍ବର ମାସରେ ନବମରୁ ଦ୍ୱାଦଶ ଶ୍ରେଣୀ ଲାଗି ସ୍କୁଲ୍ ଖୋଲିବ ନାହିଁ। ଚଳିତ ମାସରେ ଏହି ଶ୍ରେଣୀ ଖୋଲିବା ପାଇଁ ନିଆଯାଇଥିବା ନିଷ୍ପତ୍ତିକୁ ସାମୟିକ ଭାବେ ସ୍ଥଗିତ ରଖାଯାଇଛି। ସ୍କୁଲ ଓ ଗଣଶିକ୍ଷାମନ୍ତ୍ରୀ ସମୀର ରଞ୍ଜନ ଦାଶ ଏ ନେଇ ପ୍ରତିକ୍ରିୟା ରଖିଛନ୍ତି। ସେ […]
ଗଣଶିକ୍ଷା ମନ୍ତ୍ରୀ

ଆହୁରି ପଢ଼ନ୍ତୁ

Social media & sharing icons powered by UltimatelySocial