ନୂଆଦିଲ୍ଲୀ: ୪ଦିନିଆ ବିଦେଶ ଗସ୍ତରେ ଥିବା ମୋଦି ଲଣ୍ଡନରୁ ପାକିସ୍ତାନକୁ ଟାର୍ଗେଟ କରିଛନ୍ତି। ୱେଷ୍ଟମିନିଷ୍ଟର ସେଣ୍ଟ୍ରାଲ ହଲରେ ଭାରତୀୟ ବଂଶୋଦ୍ଭବଙ୍କୁ ସମ୍ବୋଧନ କଲା ବେଳେ ବଖାଣିଛନ୍ତି ସର୍ଜିକାଲ ଷ୍ଟ୍ରାଇକର ପୂରା କାହାଣୀ। ସେ କହିଛନ୍ତି,“ଯେତେବେଳେ ଭାରତର ସେନା ସର୍ଜିକାଲ ଷ୍ଟ୍ରାଇକ୍ କଲେ, ସେତେବେଳେ ଭାରତୀୟ ଗଣମାଧ୍ୟମକୁ ସୂଚନା ଦେବା ପୂର୍ବରୁ ସେ ପ୍ରଥମେ ପାକିସ୍ତାନକୁ ଏ ସମ୍ପର୍କରେ ସୂଚନା ଦେଇଥିଲେ। ଯଦି ସମୟ ଅଛି ତେବେ ଶବ ଉଠାଅ ବୋଲି ପାକିସ୍ତାନ ସେନାକୁ କହିଥିଲେ।”
ଏହି ଅବସରରେ ଆତଙ୍କବାଦ ପ୍ରସଙ୍ଗରେ ମୋଦି ପାକିସ୍ତାନ ଉପରେ ମନଇଚ୍ଛା ବର୍ଷିଥିଲେ। ଏହାସହ ନିଜ ଅଭିଭାଷଣରେ କାଠୁଆ ଗଣଦୁଷ୍କର୍ମ କଥା ଉଠାଇଥିଲେ। ପ୍ରଧାନମନ୍ତ୍ରୀ ଏହି ଘଟଣାରେ ଖୁବ୍ ମର୍ମାହତ ବୋଲି କହିବା ସହ ଏହାକୁ ନେଇ ରାଜନୀତିକରଣ କରାଯିବା ଉଚିତ୍ ନୁହେଁ ବୋଲି କହିଥିଲେ।