ଭୁବନେଶ୍ୱର : ରେଜ ଭଏସ ୟୁଥ କ୍ଲବ, ସତ୍ୟବିହାର ପକ୍ଷରୁ ୭୫ତମ ସ୍ୱାଧୀନତା ଦିବସ ପାଳନ କରାଯାଇଥିଲା। ସତ୍ୟ ବିହାର ୱେଲଫେୟାର ଆସୋସିଏସନ ଓ ରେଜ ଭଏସ ୟୁଥ କ୍ଲବର ମିଳିତ ଅନୁକୁଲ୍ୟରେ ଭାରତ ସ୍ୱାଧୀନତାର ଏହି ଅମୃତ ମହୋତ୍ସବକୁ କରୋନା କଟକଣା ସହିତ ମହା ସମାରୋହରେ ପାଳନ କରିଥିଲେ। ବୟୋଜ୍ୟେଷ୍ଠ ଶ୍ରୀଯୁକ୍ତ ବୃନ୍ଦାବନ ଦୀକ୍ଷିତଙ୍କ ଦ୍ୱାରା ପତାକା ଉତ୍ତୋଳନ କରାଯାଇଥିଲା। ପରେ ପରେ ସାମୁହିକ ଜାତୀୟ ସଙ୍ଗୀତ ପରିବେଷଣ ହୋଇଥିଲା। ରେଜ ଭଏସ ୟୁଥ କ୍ଲବର ସଭାପତି କିଶୋର ନାୟକ ଓ ସମ୍ପାଦକ ମନୋଜ ସୁବୁଦ୍ଧିଙ୍କ ତତ୍ତ୍ୱାବଧାନରେ ଏହି କାର୍ଯ୍ୟକ୍ରମ ସୁଚାରୁ ରୂପେ ସମ୍ପାଦିତ ହୋଇଥିଲା। ଏହି କାର୍ଯ୍ୟକ୍ରମରେ ଅନୁଷ୍ଠାନ ପକ୍ଷରୁ ଅରକ୍ଷିତ ମାଝୀ,ସମୀର କୁମାର ମହାପାତ୍ର,ଶୀତୁ କର, ଅଭିନାଶ ରାୟ,ଜଗନ୍ନାଥ ଲେଙ୍କା, ଦେବାଶିଷ ପାଇକରାୟ ପ୍ରମୁଖ ଉପସ୍ଥିତ ଥିଲେ। ଶେଷରେ ସମସ୍ତଙ୍କୁ ମିଷ୍ଟାନ୍ନ ବଣ୍ଟନ କରାଯାଇଥିଲା।
Share Now:
