ଅହମ୍ମଦାବାଦ୍: ନିର୍ବାଚନ କମିଶନ ଗୁଜୁରାଟ ବିଧାନସଭା ନିର୍ବାଚନ ପାଇଁ ରବିବାର ୬ ମତଦାନ କେନ୍ଦ୍ରରେ ସାନି ନିର୍ବାଚନ ଲାଗି ନିର୍ଦ୍ଦେଶ ଦେଇଛନ୍ତି। ଏହି କେନ୍ଦ୍ରଗୁଡିକରେ ୨ୟ ଚରଣରେ ମତଦାନ ହୋଇଥିବା ବେଳେ ଶୁକ୍ରବାର ରାତିରେ ନିର୍ବାଚନ ଆୟୋଗ ଯାନ୍ତ୍ରୀକ ତ୍ରୁଟି ଯୋଗୁ ଏଠାରେ ହୋଇଥିବା ଭୋଟ ଗ୍ରହଣକୁ ଅସିଦ୍ଧ ଘୋଷଣା କରିଥିଲେ ଓ ସାନି ନିର୍ବାଚନ ଲାଗି ତାରିଖ ଘୋଷଣା କରିଥିଲେ।
ଉପରୋକ୍ତ କେନ୍ଦ୍ରଗୁଡିକରେ ନିର୍ବାଚନ ପୂର୍ବରୁ ଅଭ୍ୟାସ୍ ଭୋଟ୍ପରେ ଏହାର ଡାଟା ଡିଲିଟ୍ କରାଯାଇ ନ ଥିଲା। କମିଶନଙ୍କ ନିକଟରେ ଏ ନେଇ ଅଭିଯୋଗ ହେବା ପରେ ଏଭଳି ପଦେକ୍ଷେପ ନିଆଯାଇଛି।
ଗୁଜୁରାଟ ମୁଖ୍ୟ ନିର୍ବାଚନ ଅଧିକାରୀ ବି.ବି.ସବେନ କହିଛନ୍ତି ବଡଗାଓଁ ବିଧାନସଭା ନିର୍ବାଚନମଣ୍ଡଳୀର ଛନିଆ ୧, ଛନିଆ ୨ ବିରମଗାମ ବିଧାନସଭା କ୍ଷେତ୍ରର ବୁଥ୍ ନଂ. ୨୭, ଦସ୍କରୋଇ ବିଧାନସଭା କ୍ଷେତ୍ରର ନୱା ନରୋଦା, ସାୱଲି କ୍ଷେତ୍ରର ନହାରା ୧ ଏବଂ ସକରଦା ୭ କେନ୍ଦ୍ରରେ ଏହି ସାନି ମତଦାନ ହେବ।
Share Now:
