ଭୁବନେଶ୍ୱର: ନନ୍ଦନକାନନ ପ୍ରାଣୀ ଉଦ୍ୟାନରେ ଶନିବାର ୧୩ତମ ବିଶ୍ୱ ହସ୍ତୀ ଦିବସ ପାଳିତ ହେଇଯାଇଛି। ନନ୍ଦନକାନନର ୩ ହାତୀ (ବାସନ୍ତୀ, ହୀରା ଓ ମାମା)ଙ୍କୁ ହାତୀଶାଳ ସଫାରୀ ମଧ୍ୟରେ କଦଳୀ, ନଡ଼ିଆ, ଆଖୁ, ସେଓ, ତରଭୂଜ, ମକା ଖାଇବାକୁ ଦେଇଛନ୍ତି କର୍ତ୍ତୃପକ୍ଷ ଓ କର୍ମଚରୀ। ୩ ମାସର କୁନି ହାତୀ ଅଭିକୁ ରହୁଥିବା ସଂଗରୋଧରେ ଖାଇବାକୁ ଦିଆଯାଇଛି। ନନ୍ଦନକାନନକୁ ବୁଲି ଆସିଥିବା ପର୍ଯ୍ୟଟକ ଓ ହାତୀପ୍ରେମୀଙ୍କ ଲାଗି ଅଫଲାଇନ୍ ଓ ଅନଲାଇନ କୁଇଜ୍, ଚିତ୍ରାଙ୍କନ, ସ୍ଲୋଗାନ ଓ ଦସ୍ତଖତ ଅଭିଯାନରେ ଅଂଶଗ୍ରହଣ କରିଛନ୍ତି। ଭାଗନେଇଥିବା ପ୍ରତ୍ୟକ ପ୍ରତିଯୋଗୀଙ୍କୁ ଇ- ସାର୍ଟିଫିକେଟ ଓ ପ୍ରଥମ, ଦ୍ୱିତୀୟ, ତୃତୀୟ ସ୍ଥାନ ହୋଇଥିବାଙ୍କୁ ସାର୍ଟିଫିକେଟ ସହ ପୁରସ୍କାର ପ୍ରଦାନର ବ୍ୟବସ୍ଥା କରାଯାଇଛି। ବୁଲି ଆସିଥିବା ପର୍ଯ୍ୟଟକମାନେ ହସ୍ତୀ ସୁରକ୍ଷା ଉପରେ ମନ୍ତବ୍ୟ ରଖିଛନ୍ତି। ହାତୀ ମାହୁନ୍ତମାନଙ୍କୁ ପୁରସ୍କାର ପ୍ରଦାନ କରାଯାଇଛି। ସନ୍ଧ୍ୟାରେ ବନ୍ୟପ୍ରାଣୀ ରକ୍ଷକମାନେ ପର୍ଯ୍ୟଟକମାନଙ୍କ ସମ୍ମୁଖରେ ହସ୍ତୀ ସୁରକ୍ଷାର ମନ୍ତବ୍ୟ ରଖିବେ। ହାତୀମାନଙ୍କ ଜୀବନୀ ଉପରେ ଏକ ଡକ୍ୟୁମେଣ୍ଟାରି ପ୍ରଦର୍ଶିତ କରାଯାଇଛି। ନନ୍ଦନକାନନ ଉପନିର୍ଦ୍ଦେଶକ ସନତ କୁମାର ନାରାୟଣ ହାତୀ ସରୁକ୍ଷା ଉପରେ ସଚେତନତାର ବାର୍ତ୍ତା ଦେବାର ପ୍ରୟାସ କରାଯାଇଥିବା କହିଛନ୍ତି।
