ନୂଆଦିଲ୍ଲୀ: ସିନେମା ଦୁନିଆରୁ ଏକ ଦୁଃଖଦ ଖବର ସାମ୍ନାକୁ ଆସିଛି। ଲୋକପ୍ରିୟ ଅଭିନେତ୍ରୀ ସୀମା ଦେଓଙ୍କ ପରଲୋକ ହୋଇଛି। ସୀମା ୮୧ବର୍ଷ ବୟସରେ ଶେଷ ନିଶ୍ଵାସ ତ୍ୟାଗ କରିଛନ୍ତି। ସୀମାଙ୍କ ମୃତ୍ୟୁ ଖବର ଶୁଣିବା ପରେ ସିନେମାଜଗତ ସହ ଯୋଡ଼ି ହୋଇ ରହିଥିବା ପ୍ରତ୍ୟେକଟି କଳାକାର ଶୋକବ୍ୟକ୍ତ କରିଛନ୍ତି। ସୀମା ଦେଓ ସଫଳ ସିନେମା ‘ଆନନ୍ଦ’ରେ ଅମିତାଭ ବଚ୍ଚନଙ୍କ ଭାଉଜ ଭୂମିକାରେ ଅଭିନୟ କରି ଲୋକପ୍ରିୟତା ସାଉଁଟିଥିଲେ। ୧୯୬୦ ମସିହାରେ ସୀମା ଅଭିନୟ ଦୁନିଆରେ ପ୍ରବେଶ କରି ହିନ୍ଦୀ ସହିତ ମରାଠୀର ଅନେକ ସିନେମା ପାଇଁ ବି କାମ କରିଛନ୍ତି। ସୀମା ସ୍ୱର୍ଗତ ରମେଶ ଦେଓଙ୍କ ସ୍ତ୍ରୀ ଥିବା ବେଳେ ତାଙ୍କର ଦୁଇ ପୁଅ ଅଛନ୍ତି। ଜଣକଙ୍କ ନାମ ଅଭିନୟ ଦେଓ ଓ ଅନ୍ୟ ଜଣକଙ୍କ ନାମ ଆଞ୍ଜିକ୍ୟ ଦେଓ। ଦୁହେଁ ସିନେମାଜଗତ ସହ ଯୋଡ଼ି ହୋଇ ରହିଛନ୍ତି। ଅଭିନୟ ସିନେମା ନିର୍ମାତା ଥିବା ବେଳେ ଆଞ୍ଜିକ୍ୟ ଜଣେ ଅଭିନେତା ରହିଛନ୍ତି। ସୀମା ଅନେକ ଦିନ ହେବ ବୟସ ଅଧିକ ହେତୁ ରୋଗଗ୍ରସ୍ତ ହୋଇପଡ଼ିଥିଲେ। ସେ ତାଙ୍କ ପୁଅ ଅଭିନୟଙ୍କ ସହିତ ମୁମ୍ବାଇରେ ରହୁଥିଲେ। ନିକଟରେ ସେ ଅସୁସ୍ଥ ହୋଇପଡ଼ିଥିବାରୁ ପୁଅ ତାଙ୍କୁ ଚିକିତ୍ସା ପାଇଁ ଡାକ୍ତରଖାନା ନେଇଥିବା ବେଳେ ଆଜି ସୀମା ଦେଓ ଶେଷ ନିଶ୍ଵାସ ତ୍ୟାଗ କରିଛନ୍ତି। ସୀମା ‘ମିଆଁ ବିବି ରାଜି’ ସିନେମାରୁ ଡେବ୍ୟୁ କରିଥିବା ବେଳେ ‘ଆନନ୍ଦ’, ‘କୋରା କାଗଜ’, ‘ଭାଭି କି ଚୁଡିୟାଁ’ ଭଳି ସିନେମାରେ ସେ କାମ କରି ସାରିଛନ୍ତି।
ପରପାରିରେ ଲୋକପ୍ରିୟ ଅଭିନେତ୍ରୀ ସୀମା ଦେଓ
Share Now: