ରାଞ୍ଚି: ଝାଡ଼ଖଣ୍ଡରେ ରାଜନୈତିକ ସଙ୍କଟ ମଧ୍ୟରେ ଜେଏମଏମ ବିଧାୟକ ଦଳ ନେତା ଚମ୍ପାଇ ସୋରେନ ବୁଧବାର ରାଞ୍ଚିର ରାଜଭବନରେ ରାଜ୍ୟପାଳ ସିପି ରାଧାକ୍ରିଷ୍ଣନଙ୍କୁ ଭେଟିଛନ୍ତି। ବୈଠକ ପରେ ସୋରେନ କହିଛନ୍ତି ଯେ ରାଜ୍ୟପାଳ ଆମକୁ ସରକାର ଗଠନ ପାଇଁ ଆମର ଅନୁରୋଧ ଉପରେ ଶୀଘ୍ର ନିଷ୍ପତ୍ତି ନେବାକୁ ପ୍ରତିଶ୍ରୁତି ଦେଇଛନ୍ତି। ଆମେ ଏକାଠି ଅଛୁ ସମସ୍ତ ୪୩ ଜଣ ବିଧାୟକ ସର୍କିଟ୍ ହାଉସରେ ରହୁଛନ୍ତି। ତାଙ୍କ ସହ କଂଗ୍ରେସ ବିଧାୟକ ଦଳ ନେତା ଆଲମଗିର ଆଲାମ, ଆରଜେଡି ବିଧାୟକ ସତ୍ୟାନନ୍ଦ ଭୋକ୍ତା, ସିପିଆଇ (ଏମଏଲ) ବିଧାୟକ ବିନୋଦ ସିଂ ଏବଂ ବିଧାୟକ ପ୍ରଦୀପ ଯାଦବ ରାଜ୍ୟପାଳଙ୍କ ସହ ଆଲୋଚନା କାଳରେ ରାଜଭବନରେ ଉପସ୍ଥିତ ଥିଲେ। ରାଜ୍ୟପାଳଙ୍କୁ ଭେଟିବା ପରେ କଂଗ୍ରେସ ନେତା ଆଲମଗିର ଆଲାମ କହିଛନ୍ତି, ଯଦି ସରକାର ଗଠନ ପାଇଁ ଝାଡ଼ଖଣ୍ଡ ରାଜଭବନ ଆମକୁ ଡାକିବାରେ ବିଫଳ ହୁଏ ତେବେ ଶୁକ୍ରବାର ମଧ୍ୟାହ୍ନରେ ପୁଣି ଥରେ ରାଜ୍ୟପାଳଙ୍କୁ ଭେଟିବୁ।
ରାଜଭବନରେ ପ୍ରବେଶ କରିବା ପୂର୍ବରୁ ସିପିଆଇ (ଏମଏଲ) ବିଧାୟକ ବିନୋଦ ସିଂ କହିଥିଲେ, ସରକାର ଗଠନ ପାଇଁ ଆମର ଦାବିକୁ ଯଥାଶୀଘ୍ର ଗ୍ରହଣ କରିବାକୁ ରାଜ୍ୟପାଳଙ୍କୁ ଅନୁରୋଧ କରିବୁ। ରାଜ୍ୟପାଳ ରାଜ୍ୟରେ ନୂତନ ସରକାର ଗଠନ ପ୍ରସଙ୍ଗରେ ଜେଏମ୍ଏମ୍ ନେତୃତ୍ୱାଧୀନ ମେଣ୍ଟକୁ ସନ୍ଧ୍ୟା ସାଢ଼େ ୫ଟାରେ ଭେଟିବାକୁ କହିଥିଲେ। ହେମନ୍ତ ସୋରେନ ବୁଧବାର ରାତିରେ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବା ପରେ ଚମ୍ପାଇ ସୋରେନ ଜେଏମ୍ଏମ୍ ବିଧାୟକ ଦଳର ନୂତନ ନେତା ହୋଇଛନ୍ତି।
ରାଜ୍ୟପାଳଙ୍କୁ ଭେଟିଲେ ଚମ୍ପାଇ ସୋରେନ : ଏବେ ସମସ୍ତଙ୍କ ନଜର ରାଜ୍ୟପାଳଙ୍କ ନିଷ୍ପତି ଉପରେ
Share Now: