ଭୁବନେଶ୍ବର: ଭରତପୁର ପୁଲିସ ଜାଲରେ ଏଭଳି ଏକ ବାଇକ ଲୁଟେରା ପଡ଼ିଛି। ତାର ନାଁ ଶଙ୍କର ବେହେରା। ଘର ଗଞ୍ଜାମ ଜିଲ୍ଲାର ବଡଗଡ଼। ଶଙ୍କରର ସୈତାନ ବୁଦ୍ଧି। ଦିନରେ ପାଗଳ ଭଳି ରେକି କରୁଥିଲା, ଆଉ ରାତିରେ ଗେଟ ବାହାରୁ ତାଲା ଭାଙ୍ଗି ଚୋରି କରି ନେଉଥିଲା ଗାଡ଼ି। ବରମୁଣ୍ଡା ରୁଚିକା ମାର୍କେଟରେ ସେ ପାଗଳ ଭଳି ଏଣେ ତେଣେ ବୁଲାବୁଲି କରୁଥିବା ସ୍ଥାନୀୟ ଲୋକେ କହିଛନ୍ତି।
ଅଭିଯୁକ୍ତଠାରୁ ୭ ଟି ଗାଡ଼ି ଜବତ କରାଯାଇଛି। ମାଷ୍ଟର କି’ ସହାୟତାରେ ଯେକୌଣସି ଗାଡ଼ିକୁ ଖୋଲି ଛୁ ମାରୁଥିଲା ଶଙ୍କର। ଗାଡ଼ିଗୁଡ଼ିକୁ ଚୋରି ପରେ ସେ ତାର ଇଞ୍ଜିନକୁ ଚିଲିକାରେ ବିକ୍ରି କରୁଥିଲା। ତେବେ କେବଳ ୭ ଟି ନା ଆଉ ଅଧିକ ଗାଡି ଚୋରି କେସରେ ତାର ସମ୍ପୃକ୍ତି ଅଛି ସେ ନେଇ ଖୋଳତାଡ଼ ଚାଲିଥିବା କହିଛନ୍ତି ଭରତପୁର ଥାନା ଅଧିକାରୀ ବିଭୁଦତ୍ତ ରାଉତରାୟ।
Share Now:
