କାଲିମେଳା: ଗତ କିଛି ଦିନ ହେଲା ମାଲକାନଗିରି ଜିଲ୍ଲା କାଲିମେଳା ଅଂଚଳରେ ବର୍ଷା ଲାଗି ରହିଥିବାବେଳେ ମାନ୍ୟମକୋଣ୍ଡା ଓ ପୋଲୁରୁ ମଧ୍ୟରେ ଥିବା ମୁଖ୍ୟ ରାସ୍ତାର ତାଗୁରୁକୋଟା ଗାଁ ନିକଟରେ ଥିବା ଏକ କଲଭର୍ଟଟି ଆଜି ସକାଳେ ଧୋଇ ଯାଇଛି। କଲଭର୍ଟ ଟିର ଛାତ ସମ୍ପୂର୍ଣ ଭାବରେ ଭାଙ୍ଗି ଯାଇଥିବାବେଳେ ପ୍ରାୟ ୧୦ ଫୁଟ ଓସାରର ଖାଲ ସୃଷ୍ଟି ହୋଇଯାଇଛି। ଫଳରେ ୫ ଖଣ୍ଡ ଗାଁକୁ ଯୋଗାଯୋଗ ବିଛିନ ହୋଇଯାଇଛି। ତାଗୁରୁକୋଟା, ପୁସୁଗୁଡା, ତମଗୁଡା ଓ ପୋଲୁର ଗ୍ରାମବାସୀମାନେ ଯିବା ଆସିବାରେ ଅସୁବିଧାର ସମୁଖୀନ ହେଉଛନ୍ତି। ଆମ୍ବୁଲାନ୍ସ ଓ ବଡ଼ ଗାଡି ଯାଉ ନଥିବାବେଳେ କେବଳ ବହୁ କଷ୍ଟରେ ବାଇକ ଯିବା ଆସିବା କରୁଥିବାର ଦେଖିବାକୁ ମିଳିଛି। ଏଥି ସହିତ ଏହି ବାଟ ଦେଇ ଦୈନିକ ଲୋକମାନେ ସିଲେରୁ ନଦୀ ପାର ହୋଇ ଆନ୍ଧ୍ର ପ୍ରଦେଶକୁ ଯିବା ଆସିବା କରିଥାନ୍ତି।
Share Now:
