ଭୁବନେଶ୍ୱର: ବିଜେଡିର ପୂର୍ବତନ ନେତା କାର୍ତ୍ତିକ ପାଣ୍ଡିଆନଙ୍କୁ ନେଇ ବିଜେଡି ଭିତରେ ନେତାଙ୍କ ବିରୋଧ ଥମିବାର ନାମ ନେଉନାହିଁ। ବିଜେଡିର ପରାଜୟ ପରେ ଏବେ ବିଜେଡି ନେତା ଅମର ଶତପଥୀ କହିଛନ୍ତି ଯେ ପାଣ୍ଡିଆନ କେବେ ରାଜନୀତିରେ ନଥିଲେ। ହଠାତ୍ ଉତ୍ଥାନ ହେଲେ ଶୀଘ୍ର ପତନ ମଧ୍ୟ ହୋଇଥାଏ। କ୍ଷମତାରେ ରହି ରାଜନୀତି କରିବା ଓ ବିରୋଧୀ ଦଳରେ ରହିବା ମଧ୍ୟରେ ବହୁତ ଫରକ ଥାଏ। ତେଣୁ ଦଳ ବିରୋଧୀ ଦଳରେ ବସିବାକୁ ଥିବାରୁ ସେ ଏହି ଭଳି ନିଷ୍ପତ୍ତି ନେଇଛନ୍ତି।
ତେବେ ୨୦୨୪ ନିର୍ବାଚନ ପ୍ରକ୍ରିୟାରେ ମୋତେ ପ୍ରତ୍ୟକ୍ଷ ଭାବେ ସାମିଲ କରିନଥିଲା ବିଜେଡି। ଟିକେଟ ବଣ୍ଟନରେ ବ୍ୟାପକ ଅବ୍ୟବସ୍ଥା ସହ ନିର୍ବାଚନ ପରିଚାଳନାରେ ଅନେକ ତ୍ରୁଟି ରହିଥିଲା। ତେଣୁ ଏହି ନିର୍ବାଚନରେ ଦଳ ପରାଜୟ ବରଣ କଲା। ଏହା ସହ ଆଜି ଭୁବନେଶ୍ୱରରେ ଅମର ଶତପଥୀ ନିଜ ସମର୍ଥକମାନଙ୍କୁ ନେଇ ଏକ ବୈଠକ କରିଛନ୍ତି।
Share Now:
