ଭୁବନେଶ୍ୱର : ଏଚଡିଏଫସି ବ୍ୟାଙ୍କ ଲିମିଟେଡ଼ ଓଡିଶା ମଣ୍ଡଳର ଉପ-ସଭାପତି ଶ୍ରୀ ରିତେଶ ପାଢ଼ୀ ଓଡ଼ିଶାର ନୂତନ ମୁଖ୍ୟମନ୍ତ୍ରୀ ଶ୍ରୀ ମୋହନ ମାଝୀଙ୍କୁ ସୌଜନ୍ୟମୂଳକ ସାକ୍ଷାତ କରିଛନ୍ତି। ଗତ ଶୁକ୍ରବାର ଶ୍ରୀ ପାଢ଼ୀ ରାଜ୍ୟ ଅତିଥି ଭବନରେ ମୁଖ୍ୟମନ୍ତ୍ରୀଙ୍କ ଅସ୍ଥାୟୀ କାର୍ଯ୍ୟାଳୟରେ ମୁଖ୍ୟମନ୍ତ୍ରୀଙ୍କୁ ଭେଟି ଓଡ଼ିଶାରେ ଥିବା ଏଚଡିଏଫସି ବ୍ୟାଙ୍କର ଅନେକ ଶାଖାରେ କିଭଳି ଭାବରେ ସ୍ଥାନୀୟ ଶିକ୍ଷିତ ଯୁବକମାନଙ୍କୁ ରୋଜଗାରକ୍ଷମ କରିହେବ ସେ ବିଷୟରେ ଆଲୋଚନା କରିଥିଲେ। ଏହା ବ୍ୟତୀତ ବିଭିନ୍ନ ସ୍ଥାନରେ ଥିବା ଶାଖା ଗୁଡିକରେ ତଥା ନୂତନ ଶାଖା ମାନଙ୍କରେ ସ୍ଥାନୀୟ ଶିକ୍ଷିତ ଯୁବକମାନଙ୍କୁ ଅଗ୍ରାଧିକାର ଭିତିରେ ନିଯୁକ୍ତି ଦିଆଯାଉଛି ବୋଲି ପ୍ରକାଶ କରିଥିଲେ। ମୁଖ୍ୟମନ୍ତ୍ରୀଙ୍କୁ ଏହି ସୌଜନ୍ୟମୂଳକ ସାକ୍ଷାତ ସମୟରେ ଶ୍ରୀ ପାଢ଼ୀଙ୍କ ସହକର୍ମୀ ଶ୍ରୀ କିଶୋର ଚନ୍ଦ୍ର ନାୟକ ଉପସ୍ଥିତ ଥିଲେ।
Share Now:
