ଗ୍ୱାଲିଅର: ଦେଶରେ ବିମାନ ଭଡା ମହଙ୍ଗା ହେଉଥିବାବେଳେ ଏହାକୁ ନେଇ କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ କହିଛନ୍ତି ଯେ ଏଭିଏସନ ଟର୍ବାଇନ ଫୁଏଲ (ଏଟିଏଫ) ର ମୂଲ୍ୟ ବଢିଯାଇଛି। ୨୦୧୯ ମସିହାରେ, ଏଟିଏଫ୍ ମୂଲ୍ୟ ଲିଟର ପିଛା ୫୩ ହଜାର ଟଙ୍କା ଥିବାବେଳେ ବର୍ତ୍ତମାନ ଲିଟର ପିଛା ୧ ଲକ୍ଷ ୪୧ ହଜାର ଟଙ୍କାକୁ ବୃଦ୍ଧି ପାଇଛି। ସେଥିପାଇଁ ବିମାନ ଟିକେଟର ଭଡା ବଢୁଛି। ତଥାପି ଆମେ ବିମାନ ଭଡାକୁ ମାତ୍ର କିଛି ପ୍ରତିଶତ ବୃଦ୍ଧି କରିଛୁ ବୋଲି ସେ କହିଛନ୍ତି। କାରଣ ବିମାନ କମ୍ପାନୀଗୁଡିକ ଆଦାୟ କରୁଥିବା ଭଡ଼ାର ୫୦ ପ୍ରତିଶତ ଇନ୍ଧନ ପାଇଁ ଖର୍ଚ୍ଚ କରିବାକୁ ପଡିଥାଏ।
ସିନ୍ଧିଆ କହିଛନ୍ତି, ଯେ ମୁଁ ଆଶା କରୁଛି ଯେ ଏଟିଏଫ ମୂଲ୍ୟ ହ୍ରାସ ପାଇବ ଏବଂ ଏହା ପରେ ବିମାନ ଟିକେଟର ମୂଲ୍ୟ ମଧ୍ୟ ହ୍ରାସ ପାଇବ। ସେହିପରି କିଛି ସହରକୁ ବିମାନ ନିୟମିତ ଚାଲୁନଥିବା ପ୍ରସଙ୍ଗରେ ସିନ୍ଧିଆ କହିଛନ୍ତି ଯେ କେତେକ ସ୍ଥାନକୁ ବିମାନ ବାତିଲ କରିବା ପଛରେ ବଡ କାରଣ ହେଉଛି ଯାତ୍ରୀ ସଙ୍କଟ। ଯେତେବେଳେ କୌଣସି ବିମାନ ପାଇଁ ପର୍ଯ୍ୟାପ୍ତ ସଂଖ୍ୟକ ଯାତ୍ରୀ ଉପଲବ୍ଧ ନ ହୁଅନ୍ତି ସେତେବେଳେ ବିମାନ କମ୍ପାନୀମାନେ ବିମାନ ବାତିଲ କରିଦେଇଥାନ୍ତି। ଯେତେବେଳେ ଯାତ୍ରୀ ଉପଲବ୍ଧ ହେବେ ସେତେବେଳେ ହିଁ ବିମାନ ଚଳାଚଳ କରିବ। କାରଣ ବିମାନକୁ ନିର୍ଦ୍ଦେଶ ଏବଂ ନିୟନ୍ତ୍ରଣରେ ରଖି ପରିଚାଳିତ କରିହେବ ନାହିଁ। ଅର୍ଥାତ ଯାତ୍ରୀ ନଥିବା ସତ୍ତ୍ୱେ ନିର୍ଦ୍ଦେଶ ଦେଇ ବିମାନ ଚଳାଇ ହେବ ନାହିଁ ବୋଲି କହିଛନ୍ତି।
