ଇସ୍ଲାମ୍ବାଦ୍: ପାକିସ୍ତାନର ଜଣେ ୟୁଟ୍ୟୁବର୍ ଏବେ ଖୁବ୍ ଚର୍ଚ୍ଚାରେ। ୟୁଟ୍ୟୁବର୍ ଜଣକ ତାଙ୍କ ବିବାହ ଉପହାର ଭାବେ ନିଜ ନବ ବିବାହିତା ପତ୍ନୀଙ୍କୁ ଏକ ଗଧ ଛୁଆ ଦେଇ ଚର୍ଚ୍ଚାର ପରିସରକୁ ଆସିଛନ୍ତି। ନିଜେ ୟୁଟ୍ୟୁବର୍ ଏହି ସମୟର ଭିଡିଓକୁ ନିଜ ଇନ୍ଷ୍ଟାଗ୍ରାମ୍ ଆକାଉଣ୍ଟ୍ରେ ସେୟାର କରିଛନ୍ତି। ତାଙ୍କର ଏହି ଭିଡିଓ ଏବେ ସୋସିଆଲ୍ ମିଡିଆରେ ଭାଇରାଲ୍ ହେବାରେ ଲାଗିଛି। ଏହି ୟୁଟ୍ୟୁବର୍ଙ୍କ ନାମ ଆଜଲାନ ଶାହ। ତାଙ୍କ ପତ୍ନୀଙ୍କ ନାମ ବରିସା। ସେ ଜାଣିଥିଲେ ଯେ ତାଙ୍କ ପତ୍ନୀଙ୍କୁ ଛୁଆ ଗଧ ଖୁବ୍ ପସନ୍ଦ। ସେହି କାରଣରୁ ସେ ନିଜ ବିବାହରେ ତାଙ୍କ ପତ୍ନୀଙ୍କୁ ଏହି ଉପହାର ଦେଇଛନ୍ତି। କେବଳ ସେତିକି ନୁହେଁ, କୁନି ଗଧକୁ ତା’ ମାଆଠାରୁ ଅଲଗା କରିବେନି ବୋଲି ସେ ଉଭୟ ମାଆ ଓ ଛୁଆଙ୍କୁ କିଣି ଆଣିଥିବା କଥା ଉଲ୍ଲେଖ କରିଛନ୍ତି।
ତାଙ୍କ ପତ୍ନୀଙ୍କୁ ଗଧ ପସନ୍ଦ ଥିବା କଥାକୁ ବାଦ୍ ଦେଲେ ଅନ୍ୟ ଏକ କାରଣରୁ ବି ସେ ଏହାକୁ ଏକ ଉପଯୁକ୍ତ ଉପହାର ବୋଲି ଭାବିଛନ୍ତି। ତାଙ୍କ ହିସାବରେ ଗଧ ହେଉଛି ଦୁନିଆର ସବୁଠାରୁ କୌତୂକିଆ ଓ ପରିଶ୍ରମୀ ପ୍ରାଣୀ। ଏହି କାରଣରୁ ସେ ତାଙ୍କ ପତ୍ନୀଙ୍କୁ ଏପରି ଏକ ଉପହାର ଦେଇଛନ୍ତି। ଆପଣଙ୍କ ସୂଚନା ସକାଶେ ଜଣାଇ ଦେଉଛୁ ଯେ ଆଜଲାନ ଶାହ ହେଉଛନ୍ତି ପାକିସ୍ତାନର ଜଣେ ଜଣାଶୁଣା ୟୁଟ୍ୟୁବର୍। ଗତ କିଛି ଦିନ ତଳେ ସେ ବାରିସାଙ୍କୁ ବିବାହ କରିଛନ୍ତି। ବିବାହ ପରେ ହୋଇଥିବା ରିସେପ୍ସନ ପାର୍ଟିରେ ଆଜ୍ଲାନ ତାଙ୍କ ପତ୍ନୀଙ୍କୁ ଏହି ଉପହାର ଦେଇଛନ୍ତି।
