ଭୁବନେଶ୍ୱର: ଆଜି ଓ ଆସନ୍ତାକାଲି ପାଇଁ ରାଜ୍ୟର ପଶ୍ଚିମ ଜିଲ୍ଲାଗୁଡ଼ିକରେ ପ୍ରଚଣ୍ଡ ଗ୍ରୀଷ୍ମ ପ୍ରବାହ ପାଇଁ ହିଟ୍ ୱେଭ୍ ୱାର୍ଣ୍ଣିଂ ଜାରି କରାଯାଇଛି। ଝାରସୁଗୁଡ଼ା, ସମ୍ବଲପୁର, ସୁନ୍ଦରଗଡ଼, କେନ୍ଦୁଝର ଓ ମୟୂରଭଞ୍ଜ ଜିଲ୍ଲାରେ ପ୍ରବଳ ଖରା ଓ ଗରମ ପାଇଁ ହିଟ୍ ୱେଭ୍ଜନିତ ୟେଲୋ ୱାର୍ଣ୍ଣିଂ ଜାରି କରାଯାଇଛି। ଆଉ ଏହି କ୍ରମରେ ଆଜି ଦିନବେଳେ ସମ୍ୱଲପୁର ଓ ଝାରସୁଗୁଡ଼ାରେ ତାପମାତ୍ରା ୪୫ ଡିଗ୍ରି ଟପିଛି। ଝାରସୁଗୁଡ଼ାରେ ୪୫.୬ ଡିଗ୍ରି ତାପମାତ୍ରା ରେକର୍ଡ କରାଯାଇଥିବାବେଳେ ସମ୍ବଲପୁରରେ ୪୫.୨ ଡିଗ୍ରି, ସୋନପୁରରେ ୪୪.୮ ଡିଗ୍ରି, ହୀରାକୁଦରେ ୪୪.୭ ଡିଗ୍ରି, ବୌଦ୍ଧରେ ୪୪.୬ ଡିଗ୍ରି, ବଲାଙ୍ଗୀରରେ ୪୪ ଡିଗ୍ରି, ସୁନ୍ଦରଗଡରେ ୪୩.୮ ଡିଗ୍ରି ତାପମାତ୍ରା ରେକର୍ଡ କରାଯାଇଛି। ସେହିପରି ରାଉରକେଲା-୪୩.୬ ଡିଗ୍ରି, ଭବାନୀପାଟଣା ୪୩.୫ ଡିଗ୍ରି, ତାଳଚେର ୪୩.୨ ଡିଗ୍ରି, ଅନୁଗୁଳ ୪୨.୭ଡିଗ୍ରି, ବାରିପଦା ୪୨.୬ ଡିଗ୍ରି, ବରଗଡ଼ ୪୨.୪ଡିଗ୍ରି, ନୂଆପଡା ୪୨ଡିଗ୍ରି, ଦେବଗଡ ୪୨ ଡିଗ୍ରି, କେଉଁଝର ୪୧.୨ ଡିଗ୍ରି, ଜଗତସିଂହପୁର ଓ ଢେଙ୍କାନାଳରେ ୪୧ଡିଗ୍ରି, କଟକରେ ୪୦.୪ ଡିଗ୍ରି. କେନ୍ଦ୍ରାପଡାରେ ୪୦.୨ ଡିଗ୍ରି, ଫୁଲବାଣୀରେ ୪୦ ଡିଗ୍ରି ତାପମାତ୍ରା ରେକର୍ଡ କରାଯାଇଛି।
