ନୂଆଦିଲ୍ଲୀ : ବ୍ରିଟେନରେ ଚିହ୍ନଟ ନୂଆ କରୋନା ଭାଇରସ ସାରା ବିଶ୍ବରେ ଆତଙ୍କ ଖେଳାଇଥିବାବେଳେ ଆଫ୍ରିକୀୟ ଦେଶ ନାଇଜେରିଆରେ କରୋନାର ଆଉ ଏକ ରୂପାନ୍ତରଣ ଦେଖିବାକୁ ମିଳିଛି। ଆବଶ୍ୟ ନାଇଜେରିଆରେ ଏହି ନୂତନ ଭୁତାଣୁ ଉପରେ ଅଧିକ ଗବେଷଣା ଚାଲିଛି। ଯଦି ନାଇଜେରିଆ ସରକାରଙ୍କ ଆଶଙ୍କା ସତ ହୁଏ, ତେବେ ବ୍ରିଟେନ ଓ ଦକ୍ଷିଣ ଆଫ୍ରିକା ପରେ ଏହା ହେବ କରୋନା ଭୁତାଣର ଆଉ ଏକ ନୂଆ ରୂପ। ଚିହ୍ନଟ ହୋଇଥିବା ଏହି ଭୁତାଣୁଟି ବ୍ରିଟେନ ଓ ଦକ୍ଷିଣ ଆଫ୍ରିକାରେ ଦେଖାଦେଇଥିବା ଭୁତାଣୁଠାରୁ ଅଲଗା ବୋଲି ଆଫ୍ରିକା ସେଣ୍ଟର୍ସ ଫର ଡିଜିଜ କଣ୍ଟ୍ରୋଲ ଏଣ୍ଡ ପ୍ରିଭେନ୍ସନ ର ମୁଖ୍ୟ ଜନ କେଙ୍ଗାସଙ୍ଗ୍ କହିଛନ୍ତି। ସେ କହିଛନ୍ତି ଯେ ନାଇଜେରିଆ ସିଡିସି ଓ ଆଫ୍ରିକା ସେଣ୍ଟର ଅଫ ଏକ୍ସଲେନ୍ସ ଜେନୋମିକ୍ସ ଓ ଇନଫେକ୍ସିଅସ ଡିଜିଜ ଦ୍ବାରା ଏହି ଭୁତାଣୁ ଉପରେ ଅଧିକ ଗବେଷଣା ଚାଲିଛି। ଗତ କିଛି ଦିନ ହେଲା ଆଫ୍ରିକାରେ କରୋନା ଆକ୍ରାନ୍ତଙ୍କ ସଂଖ୍ୟା ଦ୍ରୁତ ଗତିରେ ବଢିଚାଲିଛି। ଏହି ଦ୍ରୁତ ସଂକ୍ରମଣ ପଛରେ ନୂଆ ଭାଇରସ ଅଛି କି ନା ତାହା ଗବେଷଣା ସାପେକ୍ଷ ବୋଲି ଜନ କହିଛନ୍ତି। ସମଗ୍ର ଆଫ୍ରିକାରେ ଏବେ ପ୍ରାୟ ୨୫ ଲକ୍ଷ କରୋନା ଆକ୍ରାନ୍ତ ଅଛନ୍ତି।
