ଭୁବନେଶ୍ୱର: ଗତକାଲି ସ୍ଥାନୀୟ ଓଏସଇବି ବିଦ୍ୟାଳୟ ଆଲୁମିନି ପକ୍ଷରୁ ଭୁବନେଶ୍ୱର ରେଳ ଷ୍ଟେସନ ଅଞ୍ଚଳରେ ଅସହାୟଙ୍କୁ ଶୁଖିଲା ଓ ରନ୍ଧା ଖାଦ୍ୟ ବଣ୍ଟନ କରାଯାଇଥିଲା। ରଜ ସଂକ୍ରାନ୍ତି ତଥା ବର୍ତ୍ତମାନର କରୋନା ମହାମାରୀ ପାଇଁ ଅସହାୟଙ୍କୁ ଖାଦ୍ୟବଣ୍ଟନ ଉଦ୍ଦେଶ୍ୟରେ ଅନୁଷ୍ଠାନ ପକ୍ଷରୁ ଏପରି ଏକ ମହତ କାର୍ଯ୍ୟକ୍ରମ ସମସ୍ତ କରୋନା କଟକଣା ମଧ୍ୟରେ କରାଯାଇଥିଲା। ପାଖାପାଖି ୫୦ରୁ ଅଧିକ ଲୋକମାନଙ୍କୁ ଖାଦ୍ୟ ପୁଡିଆ ବଣ୍ଟନ କରାଯାଇଥିଲା। ଅନୁଷ୍ଠାନର ଉପ ସଭାପତି ଇଂ ଆଶିଷ ମିଶ୍ର ଖାଦ୍ୟ ପୁଡିଆ ଗୁଡିକୁ ବଣ୍ଟନ କରିଥିଲେ।
ରବି ବାଡାତ୍ୟା, କିଶୋର ନାୟକ, ବିଜୟ ସାହୁ, ସନ୍ତୋଷ ସାହୁ, ଡି ଡି ଓଝା ଓ ଚିନ୍ତାମଣି ମହାପାତ୍ର ପ୍ରମୁଖ ଏହି କାର୍ଯ୍ୟକ୍ରମରେ ସହଯୋଗ କରିଥିଲେ। ଆଗାମୀ ଦିନରେ ଆହୁରି ୧୦୦ରୁ ଅଧିକ ଅସହାୟ ଲୋକମାନଙ୍କୁ ଖାଦ୍ୟ ପୁଡିଆ ବଣ୍ଟନ କରାଯିବାର କାର୍ଯ୍ୟକ୍ରମ ହେବ ବୋଲି ଅନୁଷ୍ଠାନର ସମ୍ପାଦକ କିଶୋର ନାୟକ ସୂଚନା ଦେଇଥିଲେ।