ନୂଆପଡ଼ା: ନୂଆପଡ଼ା ଜିଲ୍ଲା ଦେଇ ଯାଇଥିବା ଜାତୀୟ ରାଜପଥ ୩୫୩ର କାମ ଶୀଘ୍ର ସମ୍ପୂର୍ଣ୍ଣ କରିବା ଦାବିରେ ଆଜି ସକାଳେ ବିଜୁ ଜନତା ଦଳ ପକ୍ଷରୁ କୁରୁମପୁରି ଗାଁର ନିକଟରେ ଥିବା ଜାତୀୟ ରାଜପଥ ଅବରୋଧ କରାଯାଇଛି। ଫଳରେ ରାୟପୁର ଗୋପାଳପୁର ମଧ୍ୟରେ ଗମନାଗମନ ଠପ୍ ହୋଇଯାଇଛି। ଜାତୀୟ ରାଜପଥ ଅବରୋଧ ଯୋଗୁଁ ନୂଆପଡ଼ାରୁ ଖଡ଼ିଆଳ ମଧ୍ୟରେ ବସ୍ ଓ ଟ୍ରକ୍ ଚଳାଚଳ ବନ୍ଦ ରହିଛି।
ଗତକାଲି ଜାତୀୟ ରାଜପଥ ୩୫୩ର ନିର୍ମାଣ କାମ ଶୀଘ୍ର ସମ୍ପୂର୍ଣ୍ଣ କରିବା ଦାବିରେ ଜିଲ୍ଲାର ଜନସେଚତନ ମଞ୍ଚ ପକ୍ଷରୁ ଅର୍ଥନୈତିକ ଅବରୋଧ କରାଯାଇଥିଲା। ଫଳରେ ଭାରିଯାନ ଓ ଟ୍ରକ ଚଳାଚଳ ବନ୍ଦ ରହିଥିଲା। କିନ୍ତୁ ଅନ୍ୟ ଯାନବାହାନ ଚଳାଚଳ ସ୍ୱାଭାବିକ ରହିବା ସହ ଦୋକାନ ବଜାର ଖୋଲା ରହିଥିଲା।
Share Now:
