ଭୁବନେଶ୍ବର : ରାଜଧାନୀର ଭୁବନେଶ୍ୱରରେ ପିଲା ଚୋରି ଅଭିଯୋଗ ହୋଇଛି। ଚୋରି କରି ୨୦ ହଜାର ଟଙ୍କାରେ ୧୧ ବର୍ଷର ପିଲାକୁ ବିକିବାକୁ ଉଦ୍ୟମ ହୋଇଥିବା ଅଭିଯୋଗ ହୋଇଛି। ଏହି ଅଭିଯୋଗରେ ନୟାଗଡ଼ର ଏକ ଦମ୍ପତ୍ତିଙ୍କୁ ଖଣ୍ଡଗିରି ଥାନାରେ ଅଟକ ରଖି ପଚରାଉଚରା କରୁଛି ପୁଲିସ। ଗତକାଲି ଜାଗମରା ଗାଁ ରୁ ୧୧ ବର୍ଷର ପିଲାକୁ ନେଇଯାଇଥିଲେ। ଆଉ ୩ ଜଣ ପିଲାଙ୍କୁ ଟଙ୍କା ଲୋଭ ଦେଖାଇ ନେବାକୁ ଚେଷ୍ଟା କରିଥିଲେ। ଗାଁ ଲୋକଙ୍କ ଉଦ୍ୟମରେ ଖୋର୍ଦ୍ଧା ପୁବୁସାହି ନିକଟରୁ ଉଦ୍ଧାର ହେଲା ନିଖୋଜ ପିଲା। ଏକ ଘରୋଇ ବସ ଯୋଗେ ରାଜ୍ୟ ବାହାରକୁ ନେବାକୁ ସେମାନେ ଉଦ୍ୟମ କରିଥିବା ଜଣାପଡ଼ିଛି। ପିଲାଟିକୁ ପରିବାରକୁ ହସ୍ତାନ୍ତର ପରେ ସ୍ୱାମୀ ସ୍ତ୍ରୀଙ୍କୁ ପଚରା ଉଚରା କରୁଛି ପୁଲିସ।
Share Now: