ମାଲକାନଗିରି: ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡର ନାରାୟଣପୁର ସହରରେ ଦୁଇ ଗୋଷ୍ଠୀଙ୍କ ମଧ୍ୟରେ ସଂଘର୍ଷ ଜାରି ରହିଥିବାବେଳେ ନାରାୟଣପୁର ପୁଲିସ ଏସପି ଘଟଣାସ୍ଥଳରେ ପହଞ୍ଚି ଗଣ୍ଡଗୋଳକୁ କାବୁ କରିବାକୁ ଚେଷ୍ଟା କରୁଥିବା ବେଳେ କେହି ତାଙ୍କ ମୁଣ୍ଡକୁ ପଥରରେ ମାରିବାରୁ ସେ ଗୁରୁତର ଆହତ ହୋଇଥିଲେ। ତାଙ୍କୁ ତୁରନ୍ତ ସରକାରୀ ହସପିଟାଲରେ ଭର୍ତ୍ତି କରାଯାଇଥିଲା। ମିଳିଥିବା ସୂଚନା ଅନୁଯାୟୀ ନାରାୟଣପୁର ସହରର ବିଶ୍ବ ଦିପ୍ତୀ ଖ୍ରିଷ୍ଟିୟାନ ସ୍କୁଲରେ ଦୁଇ ଗୋଷ୍ଠୀଙ୍କ ମଧ୍ୟରେ ଜାତିଆଣକୁ ନେଇ କଥା କଟାକଟି ହୋଇଥିଲା।ଏହା ଧିରେ ଧିରେ ଉଗ୍ରରୂପ ନେଇଥିଲା। ଦୁଇ ଗୋଷ୍ଠୀଙ୍କ ମଧ୍ୟରେ ପଥର ଓ ଲାଠିରେ ଆକ୍ରମଣ ହେଉଥିଲା।
ତେବେ ଖବର ପାଇ ଏସପି ସଦାନନ୍ଦ କୁମାର ଘଟଣାସ୍ଥଳରେ ପହଞ୍ଚି ଗୋଷ୍ଠୀ ସଂଘର୍ଷକୁ କାବୁ କରିବାକୁ ଚେଷ୍ଟା କରିଥିଲେ। କିନ୍ତୁ କେହି ତାଙ୍କ ମୁଣ୍ଡକୁ ଏକ ପଥର ଫିଙ୍ଗିବାରୁ ସେ ଗୁରୁତର ଆହତ ହୋଇଥିଲେ। ତାଙ୍କର ମୁଣ୍ଡ ଫାଟି ରକ୍ତ ବାହାରିଥିଲା। ତୁରନ୍ତ ମେଡିକାଲ ନେଇ ତାଙ୍କର ପ୍ରାଥମିକ ଚିକିତ୍ସା କରାଯାଇଥିଲା। ପରେ ଏନେଇ ବସ୍ତର ଆଇଜି ସୁନ୍ଦରରାଜ ପି ଶୁଣିବା ପରେ ତୁରନ୍ତ ଘଟଣାସ୍ଥଳରେ ପହଞ୍ଚି ଗୋଷ୍ଠୀ ସଂଘର୍ଷକୁ କାବୁ କରି ଦୁଇ ଗୋଷ୍ଠୀର ବହୁ ଲୋକଙ୍କୁ ଗିରଫ କରିଥିବା ଜଣାପଡିଛି। ଏସପି ସଦାନନ୍ଦ କୁମାରଙ୍କ ଅବସ୍ଥା ଠିକ ଥିବା ଡାକ୍ତର କହିଛନ୍ତି।
