ନୂଆଦିଲ୍ଲୀ:ଦେଶରେ ସାଧାରଣ ନିର୍ବାଚନ ହେବାକୁ ଆଉ ମାତ୍ର ଅଳ୍ପ ମାସ ବାକି ଅଛି। ଏଭଳି ସ୍ଥିତିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଲୋକପ୍ରିୟତା ଅନ୍ୟମାନଙ୍କ ଠାରୁ ଆଗରେ ରହିଛି। ଇଣ୍ଡିଆ ଟୁଡେ-ସି ଭୋଟର ପକ୍ଷରୁ ହୋଇଥିବା ମୁଡ୍ ଅଫ୍ ଦି ନେସନ୍ ସର୍ଭେରେ ଭାଗ ନେଇଥିବା ୫୨ ପ୍ରତିଶତ ଲୋକ ମୋଦୀଙ୍କୁ ପ୍ରଧାନମନ୍ତ୍ରୀ ଭାବେ ଦେଖିବାକୁ ଚାହୁଛନ୍ତି। ଏମାନେ ମୋଦୀଙ୍କୁ ତୃତୀୟ ଥର ପ୍ରଧାନମନ୍ତ୍ରୀ ଭାବେ ଦେଖିବାକୁ ଆଗ୍ରହୀ। ତେବେ ମୋଦୀଙ୍କ ପରେ ଉତ୍ତରାଧିକାରୀ ଭାବେ କେଉଁ ନେତା ଯୋଗ୍ୟ? ଏହା ବି ସର୍ଭେରେ ଲୋକଙ୍କୁ ପଚରାଯାଇଥିଲା। ଇଣ୍ଡିଆ ଟୁଡେ-ସି ଭୋଟରର ସର୍ଭେ ‘ମୁଡ୍ ଅଫ୍ ଦି ନେସନ୍’ରେ କିଏ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉତ୍ତରାଧିକାରୀ ହେବା ଉଚିତ ପ୍ରଶ୍ନରେ ହଜାର ହଜାର ଲୋକ ମତ ଦେଇଛନ୍ତି।
ଏହି ସର୍ଭେରେ ଲୋକମାନେ ଅମିତ ଶାହା, ଯୋଗୀ ଆଦିତ୍ୟନାଥ ଏବଂ ନିତିନ ଗଡକରୀଙ୍କୁ ଭୋଟ୍ ଦେଇଛନ୍ତି। ସର୍ଭେ ଅନୁଯାୟୀ,୨୯ ପ୍ରତିଶତ ଲୋକ ଅମିତ ଶାହାଙ୍କୁ ପ୍ରଧାନମନ୍ତ୍ରୀ ମୋଦୀଙ୍କ ଉତ୍ତରାଧିକାରୀ ବୋଲି କହିଛନ୍ତି। ୨୬ ପ୍ରତିଶତ ଲୋକ ଯୋଗୀ ଆଦିତ୍ୟନାଥଙ୍କୁ ବାଛିଥିବାବେଳେ ୧୫ ପ୍ରତିଶତ ଲୋକ ନିତିନ ଗଡକରୀଙ୍କ ନାମକୁ ବାଛିଛନ୍ତି। ଅମିତ ଶାହା ବର୍ତ୍ତମାନ କେନ୍ଦ୍ର ଗୃହମନ୍ତ୍ରୀ ଥିବାବେଳେ ଯେତେବେଳେ କେନ୍ଦ୍ରରେ ମୋଦୀ କ୍ଷମତାକୁ ଆସିଥିଲେ ଅମିତ ଶାହାଙ୍କୁ ବିଜେପିର ମୁଖ୍ୟ କରାଯାଇଥିଲା। ଅମିତ ଶାହାଙ୍କ ପରେ ଯାହାଙ୍କ ଉପରେ ଲୋକମାନେ ସର୍ବାଧିକ ବିଶ୍ୱାସ କରିଛନ୍ତି ସେ ହେଉଛନ୍ତି ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ। ଏଥି ସହିତ ଅମିତ ଶାହା ଏବଂ ଯୋଗୀ ଆଦିତ୍ୟନାଥଙ୍କ ପରେ ବର୍ତ୍ତମାନ ସଡ଼କ ପରିବହନ ଓ ରାଜପଥ କେନ୍ଦ୍ର ମନ୍ତ୍ରୀ ଥିବା ନିତିନ ଗଡକରୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉତ୍ତରାଧିକାରୀ ଭାବରେ ଉପଯୁକ୍ତ ହେବେ ବୋଲି ସର୍ଭେରେ କୁହାଯାଇଛି।
ମୋଦୀଙ୍କ ଉତ୍ତରାଧିକାରୀ ହେବାକୁ କିଏ ? ଶାହା, ଯୋଗୀ ନା ଗଡ଼କରୀ
Share Now: