ଥାନେ: ଦୁଷ୍କର୍ମ କରି ଜଣେ ୧୭ ବର୍ଷୀୟ ବାଳିକାକୁ ଅନ୍ତଃସତ୍ତ୍ୱା କରିବା ଓ ତାକୁ ଜୀବନ ହାରିବା ପାଇଁ ବିବଶ କରିଥିବା ଜଣେ ୨୩ ବର୍ଷିୟ ଯୁବକଙ୍କୁ ମୁମ୍ବାଇ ଉପନଗରୀରୁ ଗିରଫ କରାଯାଇଥିବା କଥା ଆଜି ପୁଲିସ କହିଛି। ନଗରୀ ଗୋବନ୍ଦୀ ଅଞ୍ଚଳରୁ ଗିରଫ କରିଥିବା କଥା ନୟି ମୁମ୍ବାଇ ଅନ୍ତର୍ଗତ କୋପାର୍ଖୈରେନ୍ ଥାନାର ଜଣେ ଅଧିକାରୀ କହିଛନ୍ତି।
ଅଭିଯୁକ୍ତଙ୍କ ନାଁରେ ‘ଆଇପିସି’ ଧାରା ୩୦୫, ୩୭୬ ଏବଂ ‘ପୋକ୍ସୋ’ ଆଇନ ଅନୁଯାୟୀ ମାମଲା ରୁଜୁ କରାଯାଇଥିବା କଥା ସେ କହିଛନ୍ତି। ଅଭିଯୋଗକାରିଣୀ କହିଛନ୍ତି, ନାବାଳିକା ବୋଲି ଜାଣି ସୁଦ୍ଧା ଅଭିଯୁକ୍ତ ତା’ ସହିତ ମିତ୍ରତା କରି ବାରମ୍ବାର ଦୁଷ୍କର୍ମ କରିବାରୁ ସେ ଅନ୍ତଃସତ୍ତ୍ୱା ହୋଇଥିଲା। ଏଥିରେ ବିବ୍ରତ ହୋଇ ନଭେମ୍ବର ୨୮ ତାରିଖ ଦିନ ଘର ଭିତରପଟ ଛାତରେ ଫାଶୀ ଦେଇ ଝିଅ ଜୀବନ ହାରିଥିଲା। ଘଟଣାର ତଦନ୍ତ ଚାଲିଥିବା କଥା ପୁଲିସ କହିଛି।
ନାବାଳିକା ସହିତ ଦୁଷ୍କର୍ମ କଲା ଯୁବକ : ଫାଶୀଦେଇ ମଲା ଅନ୍ତଃସତ୍ତ୍ୱା ବାଳିକା
Share Now: