ଇମ୍ଫାଲ : ଦୀର୍ଘ ୧୦୮ ବର୍ଷ ପରେ ମଣିପୁରର ରାଜଧାନୀ ଉପକଣ୍ଠରେ ଗୋଟାଏ ଦୁର୍ଲଭ ରୁଷୀୟ ପକ୍ଷୀ ଦେଖା ଦେଇଥିବା କଥା ‘ଟାଇମ୍ସ୍ ଅଫ୍ ଇଣ୍ଡିଆ’ ରିପୋର୍ଟ କରିଛି। ‘ୱାଇଲ୍ଡ୍ ଏକ୍ସପ୍ଲୋରର୍ସ ମଣିପୁର’ ଓ ‘ଇଣ୍ଡିଆନ୍ କଞ୍ଜର୍ଭେସନ୍ ନେଟ୍ୱାର୍କ’କୁ ନେଇ ଗଠିତ ଏକ ଟିମ୍ ବୁଧବାର ଦିନ ମଣିପୁରର ଲାମ୍ଫେଲ୍ ଦଳାରେ ରୁଷ୍ର ବୈକାଲ୍ ହ୍ରଦରେ ଦେଖାଯାଉଥିବା ଚୈତି ପକ୍ଷୀ (ଛୋଟ ବତକ ଜାତୀୟ ପକ୍ଷୀ) ଦେଖିଛନ୍ତି।
ପୂର୍ବରୁ ୧୯୨୩ ମାର୍ଚ ୧୬ ତାରିଖ ଓ ୧୯୧୫ ନଭେମ୍ବର ୨୮ ତାରିଖ ଦିନ ରାଜ୍ୟରେ ଉକ୍ତ ପକ୍ଷୀ ଦେଖାଯାଇଥିଲା। ପରେ ଏହି ପକ୍ଷୀ ପ୍ରଜାତିକୁ ‘ବମ୍ବେ ନେଚୁରାଲ୍ ହିଷ୍ଟ୍ରି ସୋସାଇଟି’ ଚିହ୍ନଟ କରିଥିଲା। ସେବେଠାରୁ ରାଜ୍ୟରେ ଏ ପକ୍ଷୀ ଦେଖାଯାଇଥିବା ରିପୋର୍ଟ ମିଳିନାହିଁ। ତେଣୁ, ପୁଣି ଏହି ପକ୍ଷୀ ଦେଖାଯିବା ଉଲ୍ଲେଖନୀୟ ତଥା ଗୁରୁତ୍ଵପୂର୍ଣ୍ଣ ଘଟଣା ବୋଲି ‘ଡବ୍ଲୁଇଏମ୍’ ସଚିବ ଇ.ପ୍ରେମ୍ଜିତ୍ କହିଛନ୍ତି। ଏହି ପକ୍ଷୀକୁ ‘ସୁ-ରିତ୍-ମାନ୍’ ମଧ୍ୟ କହନ୍ତି। ପୂର୍ବ ରୁଷ୍ରେ ଜନ୍ମୁଥିବା ଏହି ପକ୍ଷୀ ପୂର୍ବ ଏସିଆରେ ଶୀତଋତୁ କଟାଏ। ଶିକାର ଓ ଜଳାଶୟ ହ୍ରାସ ଯୋଗୁଁ ଏହି ପକ୍ଷୀକୁ ବିଲୟମୁଖୀ ତାଲିକାଭୁକ୍ତ କରାଯାଇଛି।
୧୦୮ ବର୍ଷ ପରେ ମଣିପୁରରେ ଦେଖା ଦେଲା ରୁଷ୍ର ଦୁର୍ଲଭ ପକ୍ଷୀ
Share Now: