ମୁମ୍ବାଇ : ଭାରତୀୟ ଷ୍ଟକ ବଜାରରେ ହ୍ରାସ ଜାରି ରହିଛି ଏବଂ ଷ୍ଟକ ବଜାର କ୍ରମାଗତ ପଞ୍ଚମ ଦିନ ପାଇଁ ବଜାର ହ୍ରାସ ସହ ବନ୍ଦ ହୋଇଛି। ଆଜିର କାରବାରରେ ବ୍ୟାଙ୍କିଙ୍ଗ୍ ଓ ମିଡିଆ ସେୟାରକୁ ଛାଡ଼ି ଦେଲେ ଅନ୍ୟ ସମସ୍ତ କ୍ଷେତ୍ରୀୟ ସୂଚକାଙ୍କ ହ୍ରାସ ସହ ବନ୍ଦ ହୋଇଯାଇଛି। ମେଟାଲ ଷ୍ଟକ ୩ ପ୍ରତିଶତରୁ ଅଧିକ ଏବଂ ଆଇଟି ଷ୍ଟକ ୨.୧୯ ପ୍ରତିଶତ ହ୍ରାସ ପାଇଛି। ନିଫ୍ଟିର ହେଲଥକେୟାର ଇଣ୍ଡେକ୍ସ ୧.୮୫ ପ୍ରତିଶତ ଓ ଫାର୍ମା ଇଣ୍ଡେକ୍ସ ୧.୮୧ ପ୍ରତିଶତ ହ୍ରାସ ପାଇଛି।
ବଜାର ବନ୍ଦ ହେବା ବେଳକୁ ବିଏସଇ ସେନସେକ୍ସ ୬୧୭.୩୦ ପଏଣ୍ଟ ବା ୦.୮୩ ପ୍ରତିଶତ ହ୍ରାସ ପାଇ ୭୩,୮୮୫ ସ୍ତରରେ ବନ୍ଦ ହୋଇଥିଲା। ଅନ୍ୟପକ୍ଷରେ ଏନଏସଇର ନିଫ୍ଟି ୨୧୬ ପଏଣ୍ଟ ବା ୦.୯୫ ପ୍ରତିଶତ ବୃଦ୍ଧି ସହ ୨୨,୪୮୮ରେ ବନ୍ଦ ହୋଇଛି। ବିଏସଇର ବଜାର ପୁଞ୍ଜି ୪୧୧.୨୧ ଲକ୍ଷ କୋଟି ଟଙ୍କାକୁ ଖସି ଆସିଛି ଏବଂ ଚଳିତ ସପ୍ତାହରେ ଏହା ୪୨୧ ଲକ୍ଷ କୋଟି ଟଙ୍କାକୁ ବୃଦ୍ଧି ପାଇଛି। ଫଳରେ ସପ୍ତାହକ ମଧ୍ୟରେ ଏହା ୧୦ ଲକ୍ଷ କୋଟି ଟଙ୍କାରୁ ଅଧିକ ହ୍ରାସ ପାଇଛି। ଅର୍ଥାତ ଗୋଟିଏ ସପ୍ତାହରେ ନିବେଶକମାନେ ୧୦ ଲକ୍ଷ କୋଟିର କ୍ଷତି ସହିଛନ୍ତି।
କ୍ରମାଗତ ୫ମ ଦିନ ପାଇଁ ଖସିଲା ଷ୍ଟକ ବଜାର : ସେନସେକ୍ସ ୬୧୭ ପଏଣ୍ଟ ହ୍ରାସ
Share Now: