ଭୁବନେଶ୍ୱର: ଦେଶରେ ବର୍ତ୍ତମାନର ପରିପାର୍ଶ୍ଵିକ ପରିସ୍ଥିତି ଯାହା ତାହାକୁ ଅଣଦେଖା କରି କେନ୍ଦ୍ର ସରକାର ବା ମୋଦି ସରକାର ନିଜର ପ୍ରଚାର ଉଦ୍ଦେଶ୍ୟରେ ଯାହା ସବୁ କରୁଛନ୍ତି ତାହା ବଡ ଦୁର୍ଭାଗ୍ୟ ଜନକ। ଦେଶରେ ବଢୁଥିବା ବେକାରୀ ସମସ୍ୟା,କୃଷି ଓ କୃଷକ ମାନଙ୍କ କ୍ଷେତ୍ରରେ ଉପୁଜୁଥିବା ସମସ୍ୟା ,ଶିକ୍ଷା ,ସ୍ୱାସ୍ଥ୍ୟ ,ଅତ୍ୟାବଶ୍ୟକୀୟ ସାମଗ୍ରୀର ଦର ବୃଦ୍ଧି ମଧ୍ୟ ବର୍ଗିୟ ଲୋକମାନଙ୍କ ଅଣ୍ଟା ଭାଙ୍ଗୁଥିବା ବେଳେ ,ଭାରତକୁ ଆମେରିକାର ରାଷ୍ଟ୍ରପତି ଟ୍ରମ୍ପଙ୍କୁ ଡାକି ୧୦୦ କୋଟି ଖର୍ଚ୍ଚ କରିବାରେ କଅଣ ଆବଶ୍ୟକତା ରହିଛି। ଯେତେବେଳେ ଦେଶର ଅର୍ଥ ବ୍ୟବସ୍ଥା ତଳ ସ୍ତରକୁ ଗତିକରୁଛି ସେହି ସମୟରେ ଏତେ ଖର୍ଚ କରି ମୋଦି ସରକାର କଅଣ ପ୍ରମାଣିତ କରିବାକୁ ଚାହୁଁଛନ୍ତି । ଯେଉଁ ଆମେରିକାର ରାଷ୍ଟ୍ରପତି ବ୍ୟବସାୟିକ କ୍ଷେତ୍ରରେ ଭାରତକୁ ଅଣଦେଖା କରିବା,ଜୋରିମାନା ଲଗାଇବା ,ବିକାଶଶୀଳ ରାଷ୍ଟ୍ର ପଦରୁ ଭାରତକୁ ହଟାଇବା,କାଶ୍ମୀର ମାମଲାରେ ଅଯଥା ମୁଣ୍ଡ ପୁରାଇବା ପରି କାମ କରୁଥିବା ରାଷ୍ଟ୍ରର ମୁଖିଆ ପାଇଁ ଏତେ ଭାବପ୍ରବଣତା ଓ ଖର୍ଚର ହିସାବ ମୋଦି ସରକାର ଦେଵେତ ..? ସାଧାରଣ ଜନତାଙ୍କ କର ବା ଟ୍ୟାକ୍ସରୁ ହେଉଥିବା ଏହି ଖର୍ଚର ଜବାବ ଚାହୁଁଚି ଜନତା…? କଅଣ ପାଇଲା ଭାରତ..!
