ଚାନ୍ଦବାଲି : ଚାନ୍ଦବାଲି ଓସ୍ତିଆ ପଂଚାୟତ ପଣସପଡା ଗାଁର କିଶୋରେ ପଣ୍ଡାଙ୍କ ଠାରୁ ଚାନ୍ଦବାଲି ଆର ଆଇ ସୁବ୍ରତ ମଲିକ ୩ ହଜାର ଟଙ୍କା ଲାଞ୍ଚ ନେଉଥିବାବେଳେ ଭଦ୍ରକ ଭିଜିଲାନ୍ସ ଦ୍ୱାରା ଗିରଫ ହୋଇଛନ୍ତି। ଶ୍ରୀ ମଲିକ ଅଭିଯୋଗକାରୀ ଶ୍ରୀ ପଣ୍ଡାଙ୍କ ଜମିବାଡ଼ିର ଲିଗାଲ ହେୟାର କରାଇଦେବା ପାଇଁ ୩ ହଜାର ଟଙ୍କା ଦାବି କରିଥିଲେ। ଶ୍ରୀ ପଣ୍ଡା ଏତେ ଟଙ୍କା ଦେଇନପାରି ଭଦ୍ରକ ଭିଜିଲାନ୍ସର ଦ୍ୱାରସ୍ଥ ହୋଇଥିଲେ। ଭିଜିଲାନ୍ସ ଟିମ ଏହାପରେ କାର୍ଯ୍ୟାନୁଷ୍ଠାନ ନେବାପାଇଁ ସୁଚିନ୍ତିତ ଉପାୟ କରିଥିଲେ। ସେହି ଅନୁସାରେ ଅଭିଯୋଗକାରୀ ଶ୍ରୀ ପଣ୍ଡାଙ୍କ ଠାରୁ ୩ ହଜାର ଟଙ୍କା ଲାଞ୍ଚ ନେଉଥିବାବେଳେ ଚଢ଼ଉକରି ଆରଆଇଙ୍କୁ ଧରିଥିଲେ।ପରେ ଭିଜିଲାନ୍ସ ଟିମ ଅଧିକ ତଦନ୍ତ ପାଇଁ ଆର ଆଇଙ୍କୁ ଗିରଫ କରି ଭଦ୍ରକ ନେଇଛନ୍ତି ।
Share Now:
