ଭୁବନେଶ୍ବର : ପୁଣି ରାଜଧାନୀରେ ପଶିଲା ହାତୀ। ଭୁବନେଶ୍ବରର ଖଣ୍ଡଗିରିସ୍ଥିତ ଭରତପୁର ଜିଏ କଲୋନୀରେ ଦନ୍ତାହାତୀ ପଶିଯାଇଥିବା ସୂଚନା ମିଳିଛି। କରୋନୀରେ ଥିବା ଏକ ଘର ପରିସରକୁ ଏକ ଦନ୍ତାହାତୀ ପଶି ପାଚେରୀ ଭାଙ୍ଗିବା ସହ ଏକ କଦଳୀଗଛକୁ ଦଳିଦେଇଛି। ହାତୀକୁ ଘଉଡ଼ାଇବା ଲାଗି ବନ ବିଭାଗର ଟିମ ଘଟଣାସ୍ଥଳରେ ପହଞ୍ଚି କାମ ଆରମ୍ଭ କରିଛନ୍ତି। ଅନ୍ୟପଟେ ହାତୀ ଭୟରେ ଆତଙ୍କିତ ଅବସ୍ଥାରେ ରହୁଛନ୍ତି କଲୋନୀବାସୀ। କେତେବେଳେ କାହାର ଜୀବନ ଯିବ କହିବା ମୁସ୍କିଲ। ପ୍ରାକୃତିକ ଆବାସ ସ୍ଥଳୀକୁ ମଣିଷ ନଷ୍ଟକରି ନିଜର ସୁବିଧା ଅନୁସାରେ ବ୍ୟବହାର କରୁଥିବାରୁ ଜଙ୍ଗଲୀ ଜୀବମାନେ ଅସୁବିଧାର ସମୁଖୀନ ହେଉଛନ୍ତି। ତେଣୁ ଏପରି ଘଟଣାମାନ ବାରମ୍ବାର ଘଟୁଛି ବୋଲି ଜଣେ ପରିବେଶବିତ କହିଛନ୍ତି।
Share Now:
