ପୁରୀ: ଆଜି ଜନ୍ମବେଦୀରୁ ରତ୍ନବେଦୀକୁ ବାହୁଡୁଛନ୍ତି ମହାବାହୁ। ନଅ ଦିବସୀୟ ଯାତ୍ରା ଶେଷ କରି ଶ୍ରୀଜିଉମାନେ ଫେରିଛନ୍ତି। ବାହୁଡା ଯାତ୍ରା ସମୟରେ ପୁରୀରେ ବର୍ଷା ହୋଇଛି। ତିନି ରଥଙ୍କୁ ଆନନ୍ଦରେ ଟାଣି ନେଇଛନ୍ତି ସେବାୟତମାନେ। ଏହି ସମୟରେ ବଡଦାଣ୍ଡରେ କୋଭିଡ କଟକଣା ଜାରି ରହିଛି। ପ୍ରଭୁ ବଳଭଦ୍ର, ଦେବୀ ସୁଭଦ୍ରା ଓ ମହାପ୍ରଭୁ ଶ୍ରୀଜଗନ୍ନାଥଙ୍କ ରଥ ଯଥାକ୍ରମେ ସିଂହଦ୍ୱାର ସମୁଖରେ ପହଞ୍ଚିଛି। ପ୍ରଥମେ ବଳଭଦ୍ର ତାଳଧ୍ୱଜରେ ସିଂହଦ୍ୱାର ସମୁଖରେ ପହଞ୍ଚିଥିଲେ। ଦ୍ୱିତୀୟରେ ଦେବୀ ସୁଭଦ୍ରାଙ୍କ ରଥ ଦର୍ପଦଳନ ପହଞ୍ଚିଥିଲା। ଶେଷରେ କାଳିଆ ଠାକୁର ନନ୍ଦିଘୋଷରେ ସିଂହଦ୍ୱାର ସମୁଖରେ ପହଞ୍ଚିଥିଲେ। ତିନିଟ ରଥ ସିଂହଦ୍ୱାର ସମୁଖରେ ଲାଗିଲା ପରେ ଶତାଧିକ ସେବାୟତ ଗୀତଗୋବିନ୍ଦ ଏକସ୍ୱରରେ ଗାନ କରିଛନ୍ତି।
Share Now:
