ନୂଆଦିଲ୍ଲୀ: ପୁଣି ବିବାଦରେ ଆଶାରାମ ବାପୁ। ନାବାଳିକାକୁ ଯୌନ ଶୋଷଣ ମାମଲାରେ ଆଜୀବନ କାରାଦଣ୍ଡ ଭୋଗୁଥିବା ଆଶାରାମ ବାପୁଙ୍କ ଆଶ୍ରମରୁ ମିଳିଲା ବାଳିକାର ମୃତଦେହ। ବିମୌର ଗାଁରେ ଥିବା ସନ୍ଥ ଆଶାରାମ ବାପୁଙ୍କ ଆଶ୍ରମ ପରିସରରେ ଅଟକି ରହିଥିବା ଏକ କାର ଭିତରୁ ମୃତଦେହ ମିଳିଥିବା ଜଣାପଡ଼ିଛି। ବାଳିକାଜଣକ ଏପ୍ରିଲ ୫ ତାରିଖ ବିଳମ୍ବିତ ରାତିରେ ଘରୁ ନିଖୋଜ ହୋଇଯାଇଥିଲେ। ଏହି ମାମଲାରେ ସମ୍ପର୍କୀୟ ତିନି ଜଣଙ୍କ ବିରୋଧରେ ଅପହରଣ ମାମଲା ଦାୟର କରିଥିଲେ। ଆଶ୍ରମରେ ଅଟକି ରହିଥିବା କାରରୁ ଦୁର୍ଗନ୍ଧ ବାହାରିବା ପରେ ଆଶ୍ରମର ଚୌକିଦାର ପୁଲିସକୁ ସୂଚନା ଦେଇଥିଲେ ବୋଲି ଜଣାପଡ଼ିଛି। ସୂଚନା ମିଳିବା ପରେ ଜିଲ୍ଲାପାଳ ଡକ୍ଟର ଉଜ୍ବଳ କୁମାର ଏବଂ ଏସପି ସନ୍ତୋଶ କୁମାର ମିଶ୍ରା ଘଟଣାସ୍ଥଳରେ ପହଞ୍ଚି ମୃତଦେହକୁ ଫରେନସିକ୍ ଯାଞ୍ଚ ପାଇଁ ପଠାଇଛନ୍ତି। ଏହା ସହ ଅଭିଯୁକ୍ତଙ୍କୁ ଗିରଫ କରିବା ପାଇଁ ପାଞ୍ଚଟି ଟିମ୍ ଗଠନ କରାଯାଇଛି। ଅନ୍ୟପକ୍ଷରେ ଆଶ୍ରମର ଦେଖାଶୁଣା କରୁଥିବା ଲୋକଙ୍କୁ ଅଟକ ରଖି ପଚରାଉଚରା କରୁଛି ପୁଲିସ। ଏସପି କହିଛନ୍ତି ଯେ ବାଳିକାଜଣକ ଏପ୍ରିଲ ୫ ତାରିଖ ବିଳମ୍ବିତ ରାତିରେ ଘରୁ ନିଖୋଜ ହୋଇଯାଇଥିଲେ। ଏନେଇ ଏପ୍ରିଲ ୬ରେ ତାଙ୍କ ପରିବାର ମିଶ୍ରୌଲିଆ ପୁଲିସ ଷ୍ଟେସନରେସୂଚନା ଦେଇଥିଲେ। ଅନେକ ଖୋଜାଖୋଜି ପରେ ବାଳିକା ନମଳିବାରୁ ପରିବାର ଲୋକେ ଏପ୍ରିଲ ୭ ରେ ତିନି ଜଣଙ୍କ ବିରୋଧରେ ଅପହରଣ ମାମଲା ରୁଜୁ କରିଥିଲେ।
ଉଲ୍ଲେଖଯୋଗ୍ୟ ଯେ ସେପ୍ଟେମ୍ବର ୨୦୧୩ ରେ ଆଶାରାମଙ୍କୁ ପୁଲିସ ଗିରଫ କରିଥିଲା। ତାଙ୍କୁ ୨୦୧୮ ରେ ଆଜୀବନ କାରାଦଣ୍ଡରେ ଦଣ୍ଡିତ କରାଯାଇଥିଲା | ସେହିପରି ୩୦ ଏପ୍ରିଲ ୨୦୧୯ ମଙ୍ଗଳବାର ଦିନ ନାରାୟଣ ସାଇଙ୍କୁ ସୁରଟ କୋର୍ଟ ଆଜୀବନ କାରାଦଣ୍ଡରେ ଦଣ୍ଡିତ କରିଥିଲେ । ନାରାୟଣ ସାଇ ବର୍ତ୍ତମାନ ସେ ବର୍ତ୍ତମାନ ସୁରଟର ଲଜପୁର ଜେଲରେ ଅଛନ୍ତି। ଏବେ ପୁଣି ତାଙ୍କ ଆଶ୍ରମରେ ବାଳିକାର ମୃତଦେହ ମିଳିବା ଘଟଣା ସମସ୍ତଙ୍କୁ ଆଶ୍ଚର୍ଯ୍ୟ କରିଛି।
ପୁଣି ବିବାଦରେ ଆଶାରାମ ବାପୁ : ଆଶ୍ରମ ପରିସର ଭିତରେ ଥିବା ଗାଡ଼ିରୁ ମିଳିଲା ବାଳିକାର ମୃତଦେହ
Share Now: