କରଞ୍ଜିଆ: ପୁଣି ଅଲୋଡ଼ା ହେଲା ନବଜାତ ଶିଶୁ। ଏପରି ଘଟଣା ସାମ୍ନାକୁ ଆସିଛି ମୟୂରଭଞ୍ଜ ଜିଲ୍ଳା କରଞ୍ଜିଆ ଥାନା ଅଞ୍ଚଳରୁ। କରଞ୍ଜିଆ ଥାନା ଅନ୍ତର୍ଗତ ସାନବଡ଼ପୋଷି ଗ୍ରାମ ଜଙ୍ଗଲରେ ଏକ ସଦ୍ୟଜାତ ଶିଶୁ ପୁତ୍ରକୁ କେହି ଦୁର୍ବୁତ୍ତ ଫିଙ୍ଗି ଦେଇଥିବା ଦେଖିବାକୁ ମିଳିଛି। ଆଜି ସକାଳୁ କିଛି ମହିଳା ଛତୁ ଗୋଟାଇବାକୁ ଯାଇଥିବା ବେଳେ ଶିଶୁକୁ ଦେଖି ନିକଟ ମାଣିକା ଦୁମା ଗ୍ରାମରେ ଖବର ଦେଇଥିଲେ। ଖବର ପାଇ କିଛି ବ୍ୟକ୍ତି ପୁଲିସକୁ ସୂଚନା ଦେବା ପରେ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ତେବେ କିଏ ଓ କାହିଁକି ଏପରି ଜଣେ ସଦ୍ୟଜାତ ଶିଶୁର ମୃତ ଦେହକୁ ଏପରି ଫିଙ୍ଗିଦେଇ ଚାଲି ଯାଇଛନ୍ତି ତାହା ବର୍ତ୍ତମାନ ସୁଦ୍ଧା ଜଣା ପଡିନି।
Share Now:
