ପ୍ରୟାଗରାଜ : ଗତ କାଲି ଅସଦ ଅହମ୍ମଦର ଏନକାଉଣ୍ଟପରେ ତା ବାପା ତଥା ମାଫିଆ ଡନ୍ ଅତୀକ ଅହମ୍ମଦ କାନ୍ଦି ପକାଇଥିଲା ଓ କହିଥିଲା ଯେ ପୁଅର ମୃତ୍ୟୁ ପାଇଁ ସେ ନିଜେ ଦାୟୀ। କିନ୍ତୁ ଆଜି ସେ ପ୍ରତିହିଂସା ପରାୟଣ ହୋଇପଡ଼ିଥିବା କୁହାଯାଉଛି ଓ ଯେଉଁ ପୁଲିସ ଅଧିକାରୀମାନେ ଏହି ଏନକାଉଣ୍ଟର କରିଛନ୍ତି ସେମାନଙ୍କୁ ଶେଷ କରିବାକୁ ଧମକ ଦେଇଛି।
ଇଂଲାଜୀ ନ୍ୟୁଜ ଚ୍ୟାନେଲ ଟାଇମ୍ସ ନାଓରେ ପ୍ରସାରିତ ଏକ ରିପୋର୍ଟ ଅନୁସାରେ ଯେଉଁ ଅଫିସରମାନେ ଅସଦ ଏନକାଉଣ୍ଟର ପାଇଁ ଦାୟୀ ସେମାନଙ୍କ ଉପରେ ପ୍ରତିଶୋଧ ନେବାକୁ ଅତୀକ ଧମକ ଦେଇଛି। ଗତ କାଲି ଅଦାଲତରେ କାନ୍ଦିପକେଇଥିବା ପରେ ଅତୀକ ଅହମ୍ମଦ ଏବେ ଧୁମନଗଞ୍ଜ ଥାନାରେ ଦୁଃଖରେ ଭାଙ୍ଗି ପଡ଼ିଥିବା ଦେଖିବାକୁ ମିଳିଛି। ସେ କହିଛି ଯେ ଯେ ସେ ଓ ତାଙ୍କ ପରିବାର ମାଟିରେ ମିଶିଯାଇଛି। ଏଥିପାଇଁ ସେ ନିଜକୁ ଦାୟୀ କରିଥିବା ବି ଜଣାଯାଇଛି। ପୁଲିସ ହାଜତରେ ପଚରାଉଚରା ବେଳେ ଅତିକ ପୁଣି କାନ୍ଦିବାକୁ ଲାଗିଥିଲେ। ସେ କହିଲେ, “ଆମେ ମାଟିରେ ମିଶିଗଲୁ, ଏହା ମୋର ଦୋଷ… ଅସଦର କୌଣସି ଦୋଷ ନଥିଲା। ଛୋଟ ପୁଅ ଓ ଭାଇଙ୍କ ଦାୟିତ୍ୱ କେହି ନେଇପାରିବେ ନାହିଁ। ଦୁନିଆର ସବୁଠାରୁ ବଡ ଦୁଃଖ ହେଉଛି ବୃଦ୍ଧ ବାପାଙ୍କ କାନ୍ଧରେ ଏକ ଛୋଟ ପୁଅର ମୃତଦେହ। ଆତିକ କହିଛନ୍ତି ଯେ ଅସଦ ତ ଆଉ ନାହିଁ ତା ଅମି (ମା’) ସହିତ ମୋତେ ଭେଟାଇଦିଅ।
