ଭୁବନେଶ୍ୱର : ବଙ୍ଗୋପାସାଗରରେ ସୃଷ୍ଟ ଲଘୁଚାପ ସ୍ଥଳଭାଗ ଅତିକ୍ରମ କରିଛି। ଏହା ଦକ୍ଷିଣ ଓଡ଼ିଶା ଓ ଉତ୍ତର-ଆନ୍ଧ୍ରପ୍ରଦେଶ ମଧ୍ୟରେ ସ୍ଥଳଭାଗ ଅତିକ୍ରମ କରିଛି ବୋଲି ସ୍କାଏମେଟ୍ କହିଛି। ତେବେ ଏହା ପୂର୍ବାପେକ୍ଷା ଟିକିଏ ଦୁର୍ବଳ ହୋଇଯାଇଛି ଓ ଏହି କାରଣରୁ ଏହା ମଧ୍ୟପ୍ରଦେଶ, ମହାରାଷ୍ଟ୍ର କିମ୍ବା ଗୁଜରାଟ ଆଡ଼କୁ ଗତି କରିବାର ସମ୍ଭାବନା କମ ହୋଇଯାଇଛି। ବରଂ ଏହା ଉତ୍ତର-ପୂର୍ବ ଦିଗରେ ଗତି କରି ଉତ୍ତର ଓଡ଼ିଶା, ଝାଡ଼ଖଣ୍ଡ ଓ ପଶ୍ଚିମବଙ୍ଗ ଆଡ଼କୁ ଯିବାର ସମ୍ଭାବନା ରହିଛି।
ଅନ୍ୟପକ୍ଷରେ ଭାରତୀୟ ପାଣିପାଗ ବିଭାଗର ସୂଚନା ଅନୁସାରେ ଏହି ଚିହ୍ନିତ ଲଘୁଚାପ ଦୁର୍ବଳ ହୋଇ ଏକ ଲଘୁଚାପରେ ପରିଣତ ହୋଇଛି। ତେବେ ଏହାର ପ୍ରଭାବରେ ଆସନ୍ତା ୧ ତାରିଖ ପର୍ଯ୍ୟନ୍ତ ରାଜ୍ୟର ଅଧିକାଂଶ ଜିଲ୍ଲାରେ ବିଶେଷକରି ଦକ୍ଷିଣ, ପଶ୍ଚିମ ଜିଲ୍ଲା ଗୁଡ଼ିକରେ ମଧ୍ୟମରୁ ପ୍ରବଳ ବର୍ଷା ହେବ। ଏହି ଲଘୁଚାପ ଆସନ୍ତା ୨-୩ ଦିନ ଧରି ଉତ୍ତର-ପୂର୍ବ ଦିଗରେ ଗତି କରିବ ଓ ୨୯ ତାରିଖ ସୁଦ୍ଧା ପଶ୍ଚିମବଙ୍ଗ ଓ ଝାଡ଼ଖଣ୍ଡରେ ପହଞ୍ଚିବ ବୋଲି ସ୍କାଏମେଟ୍ କହିଛି। ଏହି ଲଘୁଚାପ ପ୍ରଭାବରେ ଆସନ୍ତା ୩-୪ ଦିନ ପର୍ଯ୍ୟନ୍ତ ଓଡ଼ିଶା, ଛତିଶଗଡ଼,ପୂର୍ବ ମଧ୍ୟପ୍ରଦେଶ, ଝାଡ଼ଖଣ୍ଡ, ବିହାର, ପଶ୍ଚିମବଙ୍ଗ ଓ ପୂର୍ବ ଉତ୍ତପ୍ରଦେଶରେ ପ୍ରବଳ ବର୍ଷା ହେବାର ସମ୍ଭାବନା ରହିଛି। ଅନ୍ୟପକ୍ଷରେ ଏହି ଲଘୁଚାପ ପ୍ରଭାବରେ ଉତ୍ତର ଭାରତରେ ମୌସୁମୀ ଅଧିକ ସକ୍ରିୟ ହେବ।
ସ୍ଥଳଭାଗ ଅତିକ୍ରମ କଲା ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ
Share Now: