ରାଇରଙ୍ଗପୁର: ସ୍ୱାସ୍ଥ୍ୟ ସେଵା ଯେତେ ଆଗେଇଲେ ବି ପରିସ୍ଥିତି ସୁଧୁରୁନାହିଁ। ଗର୍ଭବତୀ ମହିଳାଙ୍କ ପାଇଁ ସରକାର କୋଟିକୋଟି ଟଙ୍କା ଖର୍ଚ୍ଚ କରୁଛନ୍ତି ହେଲେ କେଉଁଠି ନା କେଉଁଠି ଟିକେ ମଣିଷକୃତ ଦୋଷ ତ୍ରୁଟି ରହିଯାଉଛି ଯାହାଫଳରେ ଗର୍ଭବତୀ ମହିଳାଙ୍କ ଜୀବନ ପ୍ରଦୀପ ଲିଭି ଯାଉଛି। ଯଦିଓ ଗର୍ଭବତୀ ମହିଳା ମୃତ୍ୟୁ ସଂଖ୍ୟା ଓଡିଶାରେ ହ୍ରାସ ପାଇଛି। ଆଜି ରାଇରଙ୍ଗପୁର ଉପଖଣ୍ଡ ଚିକିତ୍ସାଳୟ ଅଧିନସ୍ଥ ଗୋରୁମହିଷାଣୀ ଅଞ୍ଚଳରେ। ଗୋରୁମହିଷାଣୀ ଅଞ୍ଚଳର କୁନୁ ଲୋହାରଙ୍କ ଝିଅ ସୁକ୍ରାନ୍ତି ଲୋହାର (୨୧) ଗତବର୍ଷ ଅକ୍ଟୋବର ମାସରେ ଟାଟା ଅଞ୍ଚଳ ପରଶୁଡିହି ଥାନା ଅଞ୍ଚଳର ପରଶୁଡିହିର ଲାଲା ଲୋହାରଙ୍କ ସହ ୨୦୨୨ ଅକ୍ଟୋବର ମାସରେ ବିବାହ ବୈଦିକ ରୀତିନୀତି ଅନୁସାରେ ହୋଇଥିଲା। ଇତି ମଧ୍ୟରେ ୯ ମାସର ଗର୍ଭବତୀ ହୋଇ ୫/୬ ଦିନ ହେଲା ଗୋରୁମହିଷାଣୀସ୍ଥ ବାପଘରକୁ ଆସିଥିଲେ। ହେଲେ ଦଇବ ସହିଲା ନାହିଁ। ଯମ ଯେମିତି ବାପଘରେ ଜଗିଥିଲା।
ଆଜି ଅପରାହ୍ନରେ ପ୍ରସୂତି ଯନ୍ତ୍ରଣା ଅଧିକ ହେବାରୁ ବାପା କୁନୁ ଲୋହାର ଓ ସ୍ୱାମୀ ଲାଲା ଲୋହାର ସୁକ୍ରାନ୍ତିକୁ ରାଇରଙ୍ଗପୁର ହସ୍ପିଟାଲକୁ ଆଣୁଥିବା ସମୟରେ ଅଧିକ ଯନ୍ତ୍ରଣା ନେଇ ରାସ୍ତାରେ ସୁକ୍ରାନ୍ତିର ପ୍ରାଣବାୟୁ ଉଡି ଯାଇଥିଲା। ରାଇରଙ୍ଗପୁର ହସ୍ପିଟାଲ ପହଞ୍ଚିବାପରେ ଡାକ୍ତର ତାଙ୍କୁ ଦେଖି ମୃତ ଘୋଷଣା କରିଥିଲେ। ସୋମବାର ଦିନ ଶଵ ବ୍ୟବଛେଦ କରାଇ ପରିବାରଵର୍ଗଙ୍କୁ ହସ୍ତାନ୍ତର କରାଯିବ ବୋଲି ସୂଚନା ମିଳିଛି।
ହସ୍ପିଟାଲକୁ ନେବା ସମୟରେ ଗର୍ଭବତୀ ମହିଳାଙ୍କ ମୃତ୍ୟୁ
Share Now: